Usea 1:4 - Fanawbuid tagsibaliwas Fakayabian

⁴ Sanya ginan, Yawi nalong sas Usea te, “Fangayani am ngenge te, Esreel, aroro wa ban glugo ya gfaurianan kwan Israel at fun, aroro fun Yeu nafakamulun at mauri sas furuan Esreel. Nu katanya, gfaragang kwa ban Israel fag fagfagtainanan.

Usea 1:4 交叉參考

2 Fun 10:1

Akab e fituk safuluk baguama sis Samarya, nu katanya, Yeu nafadasug sik rirukan sas furuan daul at ngay fun ayu sirut, ay sat ngay fagtainan ay sa sangay tagalaga Akab at ngay baguama. Katatuy at rirukan:

2 Fun 10:17

Ay nu ndasug sas Samarya, Yeu nafabul Akab at ngay kalongan at sawad, kata Yawi at longan sas Elyas.

2 Fun 15:29

Gina Peka gfunan, Asirya at fun Tiglat-Pileser nasakbo sas Israel ay kanya naago ngay furuan Iyun, Abel-Bet-Maaka, Anuak, Kedes ay Kasur, ay kanya naago yangay Gilyad, Galilea ay fagdaul talun Naftali. Ay nataban sas Asirya fagayu tagbanwan sanya fag ngay furuan.

2 Fun 15:8

Gina sis fatuluk safulu e waluk banwa Asarya nu gfunan sis Uda, Sakaryas, Erubuam at baguama gfasigad gfunan sis Israel. Ay kanya nabanwan sis Samarya ay nu gfunan unumk magdanun.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 8:3

Ay sanya ginan, nafataladan au ku bubay. Ay nafafion ay nafasalug sik munama. Ay Yawi nalong sa angku te, “Fangayani am sisian te, Maer-Salal-Kas-Bas.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 20:3

Ay balabag di, Pasur nafalfas wan Eremyas siginans fagubungan, ay Eremyas nalong sa anya te, “Pasur, Yawi natubus wan am ngayan. Katsi, am ngayan Magur-Misabib.

Eremyas 3:8

Nafasaruayan kwan ay naiyan siginan angku ngay taw Israel, aroro kanya fagayu gfanugtug siginan nu gseg tibak fagsegan. Dewa katanya, nalag au te, takamabo fag ngay taw Uda wa nlimu ku nafakamulun, abat ngate, kanya fagayu gfanugtug yangay.

Esekyel 23:10

Kanya fag ngay taw nalulas anya ay nabul at ngay sisian ay nafabul siginans fiso tagsumbalian at uyup. Ay sanya fag talun at ngay mangena gkamatoan sabaliwa at kindasug sa anya fag faurianan.

Esekyel 23:31

Nafaning o am kaka at fakamulun, nu katanya, namaurianan kyangay ban emu.

Usea 1:6

Ay sanya ginan Gumer gdog yay nafafion ay nafasalug sik munina. Dius nalong sas Usea te, “Fangayani kafag munina te, Lu-Rukama, aroro kwa kafanyu ya ngay taw Israel ay kwa gfalyam ya at ngay asalanan.

Usea 1:9

Yawi nalong sas Usea te, “Fangayani anya te, Lu-Ami, aroro ngay taw Israel bunwa ku ngay taw ya, ay bunwa au ya at Dius.

Usea 2:13

Gfaurianan au anya aroro kanya nairug ngay famaebebanglu sas Baal fag ngay fagsegan, ay nasulun bauyung ay fanumyu, ay nanangalo at ngay mangama, ay nalyam wan angku. Au, Yawi, taglong tuy.

Usea 2:22

ngay bvtang, ngay wat ubas, ay ngay fun ulibu laman sa sangay taw Esreel.

Usea 9:17

Usea nalong te, “Ku Dius gaiyan ngay taw Israel aroro wa gfaning anya. Nu katanya, kanya fagayu gsaruayan waban sa tibak talun.

Amus 9:8

Au, Fun Dius Yawi tagsaful Israel at fagmauriun. Nu katanya, namamin kwa ban anya fagayu laman umkalyam wan siginans fagdaul daga. Dewa katanya, Akub at ngay kasugfunanan ban umke sawad yay. Au, Yawi, taglong tuy.

Mateu 1:21

Ay kanya gfasalug ban sik munama. Fangayani ban anya te, Isus, aroro kanya at namalangfe ban at ngay taw siginan at ngay asalanan.”

Lukas 1:13

Ay kafag tagbarita nalong te, “Sakaryas, lag o kalimu, aroro Dius nadungug am darangin. Am bubay Elisabet gfasalug ban sik munama, ay gfangayan ban o anya te, Uan.

Lukas 1:31

Dungugani. Gfafion ban o, ay gfasalug ban o sik munama, ay gfangayan ban o anya te, Isus.

Lukas 1:63

Ay Sakaryas get sik fagrirukan, ay nariruk te, “At ngayan Uan.” Ay sanya fag ngay taw andulo.

Uan 1:42

Ay Andres nataban anya sas Isus. Ay Isus nadama Simun ay glong anya te, “Simun, Uan at baguama, siginan ban katsi am ngayan Sefas.” Sefas at masuad te, Pedru.

Uswe 19:18

Tuy at nagbilug fag ngay furuan: Esreel, Kesulut, Sunem,