Unas 4:2 - Fanawbuid tagsibaliwas Fakayabian

² Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Unas 4:2 交叉參考

Alubad. 86:15

Fun Dius, dewa katanya, mafangafanyu tuo, ay mafanggubuk, ay matuyan ay mafangesug, ay di o masakit gfangadotama.

Alubad. 145:8

Yawi, mafangafanyu tuo ay mafanggubuk, ay di o masakit gfangadotama, ay nu mafangesug o, kabavn tua.

Alubad. 86:5

Fun Dius, kabavn matuyan tuo. Ay mafalganan yangay o gfalyam ngay taw at asalanan, ay mafangesug tuo sas fagayu taget sa emu gubuk.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Eremyas 18:8

ay kanya ro nu nafaragang tua nu gfakamulun at mauri, kdi ro gfafasludan ku algan sa anya fagayu.

Nu Galin 32:14

Nu katanya, Yawi di nafataglayun at algan nu namabul at ngay taw.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Amus 7:3

Nu katanya, Yawi nafabali yay at amatanganan ay nalong te, “Wa ban umfasludan ya takatanya.”

Unas 3:10

Dius nalag kafag ngay taw Ninibe nu gubun at ngay ugali at mauri. Nu katanya, kanya nafabali tua at amatanganan, ay di nafaurianan anya fagayu kata ebi at longan.

Unas 1:3

Dewa katanya, kanya nananuksuan Yawi, at algan sas talun Tarsis. Kanya ndasug sas furuan Upa ay nalag sik sakayan lino tagsas Tarsis. Unas nafon at famayad ay nasakay magamut ngay tagfakamulun sis sakayan lino ay tiba yak tagsakay.

1 Fun 19:4

Ay kanya nu glao sas talun at yud e taw sadik menit. Kanya natungkud ay namalunggung si sik daga fun kayu, ay nadarangin laman kabul wan. Kanya nalong te, “Yawi, maksvn wan nu gidapan au! Buli wa ku leleg. Kwa ngap e fagsamanun ku ngay mangaguyang.”

Amus 7:6

Ay nu katanya, Fun Dius Yawi nafabali yay at amatanganan ay nalong te, “Wa ban umfasludan ya takatanya.”

Alubad. 90:13

Yawi, afolii wan sa emi! Seduge tua ban nu kadotama o emi? Dungugi tua ay afanyui emi, am ngay fagsuguan!

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Eremyas 20:7

Yawi, nafaylatan o ay nagbilug angku. Ngay taw kase gfalingun angku.

Deuterunumyu 4:31

Aroro ay Dius Yawi mafangafanyu tua, kanya di gfabayan ay di gfamin ayu. Ay di kalyam at nasadian at nafatuyanan sa ay ngay mangaguyang.

Alubad. 103:8

Yawi mafangafanyu, ay mafanggubuk, ay di masakit gfangadotama, ay nu mafangesug, kabavn tua.

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 42:10

‘Nu gbanwan tua ban am gugat ste fag talun, gfadog kyay ban gfalindug ayu ay kwa ban gfaurianan ya ayu. Gtanum kban ayu ay kwa ban ggulad ya. Aroro at matuyan, anbalu au sa ku nafadasug sa ayu fag faurianan.

Unas 3:9

bangaran ban Dius nafabali yay at amatanganan ay nafalyam yay at maksvn fag dotama sa antam ay di ban namamin ya antam.”