Takabalu 1:9 - Fanawbuid tagsibaliwas Fakayabian

⁹ Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Takabalu 1:9 交叉參考

Deuterunumyu 32:29

Kanya fagayu nu e fagsafulun di, nasaful tua ro takafasludan sa anya.

Isayas 47:7

Ebi glong o te, ‘Sik mangena au fag fun ay kdi e fakatabuan.’ Ay wo namatangan am ngay nafakamulun takatanya, ay wo namatangan ya te, setain ban takafasludan sa emu.

Takabalu 1:17

Furuan Erusalem naet gubuk, dewa katanya, we nagubuk anya. Aroro Yawi naylat Akub at ngay kasugfunanan nu gfawayan ngay talun tagsit ligung. Tibak talun natuyan te, Erusalem maksvn nu mauri.

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Alubad. 25:18

Damai ku fagdalanun fag ngay fagidapun, ay falyami wan fagayu ku asalanan.

Sefanias 2:10

Sefanyas nalong te, “Katanya ban at faurianan sa sangay takamatungudun fag ngay taw Muab ay Amun, aroro nafalingun ay nafapla Yawi at Mabalyanan at ngay taw.

Eremyas 48:26

Falangui wan Muab aroro kanya natalyuyan angku. Ay kanya gtaygilidan sit sadili fangkok ay e gfalingun anya.

Eremyas 2:34

Ay ngay lanbung gatagukun ngay taw at yud e asalanan ay at yud e kwa at taguk. Nafabul am anya fagayu deyud am batang glag nu gsakbo sa ay ngay bale. Ay dewa kaksvn nya ay nafakamulun,

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Alubad. 119:153

Damai ku fagidapun ay falangfei angku, aroro kdi nalyam am faugali.

1 Pedru 4:17

Aroro munakbang wan Dius nu ginsaful taw at asalanan, ay gfasigad sat ngay taw. Ay nu gfasigad ban nu si way antam, tain ban at kumfasludan sat yud gfaning Dius at Masine fag Barita?

Uan 11:19

ay ngayuk taw Udyu at nansibo Marta ay Maria laman namasun, aroro sat faduksay at nabulanan.

Usea 2:14

Dewa katanya, nantaban au anya sas talun at yud e taw ay nandog au namaylatan anya yakmay nesug angku.

Takabalu 4:1

Ngay taw tagbanwan sis furuan Erusalem ankata sik gintu at yud masine ya, ay kata yangay at mafanud fag ngay gang tagrapyagan way lang sa sangay dalan.

Takabalu 2:13

Furuan Erusalem, nataw ya ku fagmafalongun sa emu? Dada ya nu gfaladlabian au emu? Am ngay natayukan ngabasad wan kata dagat. Sinu ya ban at mafafia emu?

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Eremyas 16:7

Wa ban e namon fakonun ay fanginum laman namasun ngay takabalu, dewa at mama ay at mina at kinbul.

Eremyas 13:27

Nalag au ay ngay nafakamulun at mauri nu gseg am ngay fagsegan, sa sangay buksul, ay sa sangay datag. Kata am sik mangena tagfaebayad, sik tagfanugtug ay sik takamatugtug at yud kagwanta ya nu namataladan. Ngay taw Erusalem, afanyuan am! Seduge ya ban nu katanya am?”

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Isayas 54:11

Erusalem, kata fulug nu nadalan emu. Ay gina o gidapan maksvn, we nafasun ya ay e nafabitsug emu. Dewa katanya, gdog kyay namawat emu sat mogat fag fagfatungkudan turuk at mawatan siginan at mameloan fag ngay gang, ay namae dingding kban emu siginan at mafanud fag ngay gang gmedmeloun.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 37:29

Aroro nadungug au nu kadotama o ay kamatungudun sa angku, namae fansayang au sim dungus ay namuksung au am bibig, ay gguyudan au emu sam guyan ay namafoli au emu sam fagbanwanan.’ ”

Isayas 37:23

Sinu am nafalingun ay am nafauri? Ay dada nu garingang o ay nu kamatungudun o? O nunda bunwa au, Israel at Dius at yud e Malong?

Isayas 37:17

Yawi, dungugi tua angku ay damai. O tagleleg fag Dius, dungugani Senakerib nu gfalingun emu.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Alubad. 140:8

Yawi, lag o gfon sat mauri fag taw at ngay fakaylatun. Ay lag yangay kaylat at ngay algan nu kafasludan, laman ban kanya fagayu di kamatungudun.

Nemyas 9:32

“O wan em Dius at mabalyanan, at matuyan ay at madulo. Gfafasludan tuo am nasadian ay gfasure am fagmafangesugun. Falangfei emi siginan em fagidapun. Ay katsi gagwantan ami at maksvn fag fagidapun, anggan em ngay fun, ngay tagfangguna, ngay tagfon fanggalangun, ngay taglong, ay anggan em ngay mangaguyang, siginan yay Asirya at ngay fun gfaidapan emi dasug katsi.

2 Fun 14:26

Yawi kaylat nu nfasludan takatanya aroro nalag taw Israel nu gidapan ay nu yud e ggubuk ya.

2 Samwel 16:12

Yawi ro manga glag tua ku fagidapun ay gfae fagmabayanun angku kata katsi ku kayaunanan.”

1 Samwel 1:11

Ana gfatuyanan sas Yawi te, “Yawi at Mabalyanan, damai ku fagidapun. Amatangi angku am fagsuguan. Nu nafon di ban o angku sik sisian munama, namon kban anya sa emu kaduge gleleg ay kwa ban gufo at buk.”

Deuterunumyu 32:27

Dewa katanya, kwa kaylat at ngay fawayan nu kamatungudun glong te, ‘Nababo tam anya fagayu, ay bunwa Yawi at nafakamulun takatanya.’ ”

Deuterunumyu 26:7

Yawi, em ngay mangaguyang at Dius, ginanya naet ami sa emu gubuk, ay nadungug tuo emi. Nalag o em ngay fagidapun ay em ngay fagagwantanun.

Nu Galin 4:31

Ay kanya fagayu nafanud. Ay nu nasaful te, Yawi kafanyu tua anya fagayu, ay nalag at fagidapun, namalub ay naseg Yawi.

Nu Galin 3:17

Nafatuyanan au te, namalin kban ayu ste ginan fag talun, nu inda ngay taw Igiptu nu gfaidapan ayu, ay nantaban kban ayu sat masine ay sat maramraman fag talun; sa sangay taw Kanaan, taw Ket, taw Amur, taw Peres, taw Kib, ay taw Ebus at talun.’

Nu Galin 3:7

Ay Yawi glong yay fia te, “Nalag au ku ngay taw nu gidapan sis talun Igiptu. Nadungug kyangay nu gurungan get gubuk aroro maksvn at fun at ngay fagsuguan nu gfaidapan, ay anfanyu au anya fagayu.

Alubad. 69:21

Ay abat ngate, nafasa ku fakonun sik ganga ay nu ndanum kway, at nafon sa angku at mayat fag sanggvtan.

Isayas 51:19

Duak faurianan at kindasug sa emu: am ngay fawayan narasras wan emu, ay am ngay taw nadalan at maksvn fag fanlunus. Nu katanya, we sawad ya am ngay taw laman tagfasun emu.

Takabalu 5:1

Yawi, amatangi at kindasug sa emi, ay damai tua em nadalan fag fakaplaun.