Lukas 7:6 - Fanawbuid tagsibaliwas Fakayabian

⁶ Ay Isus nangalo kanya fag ngay fagtainan. Ay nu munakbang wan sat bale, kafag tagfangguna tagfawayan nasugu at ngay fagadgalangan, laman namoyung sas Isus te, “Ku Fun, deyud ro wo ndasug sa ku bale, aroro kapla kway ro nu sak tua ro wo gsakbo.

Lukas 7:6 交叉參考

Fakasigadan 32:10

Kwa masine gbul fagmasineun ay fagmatuyanun am nafalag sa angku am fagsuguan. Aroro ebi gina au gdife Liskung Urdan, kwe buba sangay ku tulag, ay dewa katanya katsi, e tabanan ktua duak gaban.

Fangatulun 29:23

Sik taw takamatungudun gfae fakaplaun anya, dewa katanya, sik taw takamababaun gfae fagusegananun tua at sadili.

Mateu 20:28

Ay au Taw at Baguama, katanya kyangay, ku fagindasugun bundi taw at fagnanggubukun, nu bunway nanggubuk au ngay taw, ay namon au ku leleg laman namul au ngayuk taw siginans fakabulun.”

Mateu 3:11

Gfasurung au ayu sasad mamam laman fagayu taw sumaful te, naubun wam ay ngay asalanan. Ay tagguyan ban angku fag taw gtungud yay angku nu mabalyanan. Kwa masine nusdi at fagsuguan laman tagbuba at lapak. Ay kanya namasurung ayu sat Masine fag Falad ay sas afuy.

Markus 5:24

Ay Isus nanangalo anya. Ay sik ngay taw galo Isus, ay gsidsikfitan.

Lukas 5:8

Simun Pedru, nu nalag at kinfasludan, namalub sas Isus at daga salubangan ay nalong te, “Ku Fun, ubuni angku, aroro sik tagasalanan au.”

Lukas 7:4

Ay kafag ngay fagtainan nu ndasug sas Isus, maksvn nu get te, “Kanya fag tagfangguna matuyan. Nu masine, gubuki yap anya,

Lukas 7:5

aroro kanya kesug tua fagayu taw si tam talun, ay kanya wan at nafawat tam bale fakafulan.”

Lukas 7:7

Nustua kwa masine nangakbang sa emu. Aringangi way lang, ay ku fagsuguan ro umfia wan.

Lukas 8:49

Ay gina Isus garingang, sik taw andasug siginan Ayru at bale, ay nalong te, “Anbul wan am baguina. Lag gfasalag ya tam takamoyung.”

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Santiagu 4:10

Famababauni sa tam Fun at daga salubangan ay kanya namabat ban ayu ke fagusegananun.

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”