Lukas 6:1 - Fanawbuid tagsibaliwas Fakayabian

¹ Gina sis Famiangalay fag Menit, kaduge Isus gdalan si sik gamasun, at ngay tagadal nabul ngay raug trigu ay nabintuy ay naon.

Lukas 6:1 交叉參考

Nu Galin 12:15

Kaduge fituk menit, ay fakonun fag tinapay at yud yakman e famabia. Gina taguna fag menit, ukasi wan famabia tinapay tagsi ay ngay bale, aroro nusnga sinu ban at naon tinapay at ke famabia siginan taguna sitsigons fafituk menit wa katap ya te, taw Israel.

Lebitiku 23:15

“Nu nlangfe fituk buknga linggu siginan nu gfon am ay gutluan taguna, dogi yap afuli, ay foni sik famauseganan fag fanggalangun siginan ay gutluan taguna. Fakamuluni ban takatanya gina sis falimak safuluk menit, aroro kanya ban fag menit katunggu sis fafituk Famiangalay fag Menit. Ginanya ay fanggalangun duak tinapay, ay galay sik tinapay, at fangawat ufatk fabudbungguan at masine fag fangawat tinapay at ke famabia. Foni kafag tinapay laman ay fagfabatun fag fanggalangun siginan ay gutluan taguna.

Lebitiku 23:7

Taguna fag menit ginanya fag fagmafulun, lag am gfakamulun; afuli yakman ay segi Yawi.

Lukas 5:39

We taw kaylat ginum at bagu fag fanlangu nu nainum wan at dan, aroro at longan te, ‘At dan amataba yap tua.’ ”

Lukas 6:6

Sa tibak Famiangalay fag Menit, Isus nasakbo sas bale fakafulan ay nafoyung. Sik mangama sanya wa mafalelegan at siun fag daluap.

Deuterunumyu 16:9

Siginan nu gfasigad am ggutlu tapi fituk buknga linggu.

Deuterunumyu 23:25

Ay nu nadalan am sa ay ngay iba at tanuman trigu, masine wayam gbul at rawvg, dewa katanya, lag am gbuba fanggafas laman ay famul.