Lukas 4:16 - Fanawbuid tagsibaliwas Fakayabian

¹⁶ Sanya ginan, Isus noli wan sas furuan Nasaret sat talun ebi gina munama yay, ay nasakbo sas bale fakafulan sis Famiangalay fag Menit, kata at ugali. Ay Isus namalindug, laman gtap Dius at Rirukan.

Lukas 4:16 交叉參考

Mateu 2:23

Ay talanan nu ndasug wa sanya, namanwan sa sik furuan at ngayan Nasaret, laman namafasludan Dius at ngay taglong ebi at longan te, “E gfangayan ban anya sik taw Nasaret.”

Lukas 2:39

Use ay Maria nu nafakamulun wan fagayu kata tam Fun at Faugali, kafag talanan noli wan sas furuan Nasaret sas talun Galilea.

Lukas 2:42

Ay Isus at banwa nu labi dua wan, talanan gdog yay nalao sas Erusalem, kata ebi ginan at fakamulun.

Lukas 2:51

Ay Isus noli wan sas Nasaret gfadgaloan at fagtainan. Ay Isus gfaning at fagtainan at longan. Ay at mina gamatangan gugat takatanya fagayu.

Lukas 4:15

Ay Isus gfoyung sas taw Udyu at ngay bale fakafulan, ay fagayu taw naseg anya.

Lukas 4:17

Ay tagalaga nafon sas Isus, Isayas at nariruk fag fagtapan. Ay Isus nalugde, ay nu nalag at fagrvbvyun fag afud, kanya natap. Katatuy at nalong:

Lukas 4:21

Ay Isus gfasigad gfoyung te, “Katsi fag menit, anfasludan wan ste fag afud rirukan kaduge am gdungugan.”

Lukas 4:23

Ay Isus nalong te, “Matuyan, lumong am sa angku te, ‘Tagfafia, fafiai am sadili,’ at masuad te, ‘Fakamuluni yangay ste sim furuan, kata em nadungug am nafakamulun sis furuan Kapernaum.’ ”

Uan 18:20

Isus gbalus te, “Nu gfoyung au si tua sfagngayuan taw, kabavn gfoyung au sa sangay bale fakafulan ay sas taw Udyu at maful sis Dius at bale. Kwe foyungan at masuksukan.

Fakamulun 17:2

Pablu nasakbo sas bale fakafulan kata ebi ginan at fakamulun, ay gfayamag sa sangay taw Dius at Longan gina famiangalay fag menit. Ay nu gfakamulun katanya, tuluk Famiangalay fag menit.