Lukas 4:1 - Fanawbuid tagsibaliwas Fakayabian

¹ At Masine fag Falad nu ntayuk sas Isus, Isus nalao wan siginans Liskung Urdan. Ay at Masine fag Falad nataban anya sas talun at yud e taw.

Lukas 4:1 交叉參考

1 Fun 18:12

Ay tain ro nu nalao au, ay ginanya ro Yawi at Falad nu nabuba wa emu sa ku yud fagsafulun fag talun? Ku tagfayafun ro Akab nu ndasug, nu dway ro e lagan ya emu, gfabul ro angku. Fagtainan, siginan nu masisian au gfaning ktua gugat Yawi.

1 Fun 19:4

Ay kanya nu glao sas talun at yud e taw sadik menit. Kanya natungkud ay namalunggung si sik daga fun kayu, ay nadarangin laman kabul wan. Kanya nalong te, “Yawi, maksvn wan nu gidapan au! Buli wa ku leleg. Kwa ngap e fagsamanun ku ngay mangaguyang.”

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Esekyel 3:14

At Falad nabuba angku sa tangayayu. Nu katanya, maksvn nu kauri au ay kadotama, dewa katanya, Yawi nafaragang tua takatanya ku amatanganan.

Mateu 3:16

Ay Isus nu nsurung wan, ay nu nlakwi siginan sad lino, banwa anluang ay Isus nalag Dius at Masine fag Falad nu kadaga kata sik labikung, ay naafun sa anya.

Lukas 2:27

Ginanya fag menit, siginan at Masine fag Falad at gubuk, Simyun nalao sas Dius at bale. Ginanya, dadwa nanamuba Isus sas Dius at bale laman namatigwanan gfaning at Muisis at Faugali, ay Simyun nalag kafag ngenge.

Lukas 3:3

Ay Uan nafafagdaul talun tagsumbalian Liskung Urdan, ay kamoyung sa sangay taw tagbanwan sanya te, “Foyungi ay ubuni ay ngay asalanan ay asurungi sasad mamam, laman Dius gfalyam ay ngay asalanan.”

Lukas 3:38

Kenan at mama, Enus. Enus at mama, Set. Set at mama, Adan. Ay Adan at mama, tam Dius.

Lukas 4:14

Isus anfoli wan sas talun Galilea ay at Masine fag Falad at fagmabalyananun si wa anya. Ay fagayu taw tagbanwan sit ligung fag ngay talun nadungug Isus at fakamulun.

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Uan 1:32

Uan nafatuyan te, “Nalag au at Masine fag Falad nu kadaga siginans banwa kata sik labikung, ay gbanwan si anya.

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Fakamulun 1:2

anggan nu e gfabat anya sas banwa. Ay siginan at Masine fag Falad at fagmabalyananun, kanya nafon sat ngay nasugu ngay suguan.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Fakamulun 8:39

Ay duama nu nlakwi wan, tam Fun at Falad nataban Felipe ay kafag taw we lagan ya anya. Ay kanya guseganan guli.