Lukas 23:2 - Fanawbuid tagsibaliwas Fakayabian

² Ay kanya fagayu gfasigad gfoyung at ngay fantabugan te, “Nalag ami tuy fag taw nu gfae asalanan tam ngay taw. Ay kanya gsalag emi nu gfon ami famayad sas talun Ruma at fun, ay nalong te, ‘Au wan sik fun, Dius at nafili.’ ”

Lukas 23:2 交叉參考

1 Fun 18:17

Ay Akab nu nalag Elyas nainto te, “O o wan at nafae fagidapun sis talun Israel?”

Alubad. 35:11

E ngay taw tagfatuyan at yud matuyan sabaliwa angku. Kanya fagayu gfantabugan sa angku ku fagyudun saful fag asalanan.

Alubad. 62:4

Ay ngay algan namalin am angku siginan ku fanambagun. Ay kamuag am gugat gfanagsag, kata nu gfauseganan, ay aroro mangaro, sa ay amatanganan, kauri wayam angku.

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 38:4

Nu katanya, kafag ngay tagfangguna nalong sat fun te, “Fabuli wan Eremyas aroro at ngay longan gfamomuy way at kinsawad fag ngay tagfawayan ay tam ngay taw at ngay amatanganan. Kanya we algan ya at masine sa sangay taw, nu bunway fagmauriun way.”

Amus 7:10

Amasya fag tagfon fanggalangun sis Betel nafadasug sas Erubuam, Israel at fun, sik rirukan. Katatuy at marirukan, “Amus e algan mauri sa emu ste sis talun Israel. Ay fagayu taw wa kagwanta ya Amus at ngay nalong.

Sakaryas 11:8

Naiyan au kanya fag tuluk tagalaga fagbaugun kaduge sik magdanun. Kafag ngay tupa kauri angku, ay kwa kagwanta ya anya.

Mateu 17:27

Ay dewa katanya, laman ro ngay taw di kauri anta, loi wan sas tigyangan lino ay fasai sad lino am fambis. Ay taguna fag albon am nagamat, suangi at bibig ay lumag ro wo sik salapi, ay foni kanya fag salapi sanya fag ngay taw laman ta famayad.”

Mateu 22:21

Ay kafag ngay taw nabalus anya te, “Talun Ruma at fun.” Ay Isus nalong anya te, “Nu katanya, foni sas talun Ruma at fun, anya mandi at afud. Ay foni sas Dius, Dius mandi at afud.”

Mateu 27:11

Ay Isus malindug sis fun Pilatu at daga salubangan, ay Pilatu nainto anya te, “O o wan taw Udyu at Fun?” Ay Isus gbalus anya te, “O wan at nalong takatanya.”

Markus 12:17

Isus nalong anya te, “Nu katanya, foni sas talun Ruma at fun, anya mandi at afud. Ay foni sas Dius, Dius mandi at afud.” Ay fagayu taw andulo Isus at famalus.

Markus 15:2

Ay Pilatu nainto sas Isus te, “O o wan taw Udyu at Fun?” Ay Isus gbalus anya te, “O wan at nalong takatanya.”

Lukas 23:14

ay nalong te, “Aro nataban am tuy fag taw sa angku, ay nalong am te, tuy fag taw gfauri way ngay taw. Nu katanya nainsaful au anya si ay daga salubangan, ay natuyan au te, wa matuyan ay ngay nafantabugan sabaliwa anya.

Lukas 23:5

Ay ngay taw nafabulun te, “Tuy fag taw gfauri ngay taw sas fagdaul talun Udea siginan at ngay foyungan, ay kanya nu gfoyung nafasigad siginans talun Galilea ay ndasug stae.”

Uan 18:29

Nu katanya, Pilatu naduksun ay nainto sanya fag ngay taw te, “Nataw ay nalag kafag taw at fagmauriun?”

Uan 18:30

Ay kafag ngay taw nabalus te, “Tuy fag taw yaman e nafakamulun at mauri, wa romi nataban sa emu.”

Uan 19:12

Ay sanya ginan Pilatu ankugat yay nu gafalfasun Isus. Ay taw Udyu at ngay tagfangguna gbarisanan guro te, “Nu nafalfas way ro wo kanya fag taw, bunwa o talun Ruma at fun at fagadgalangan. Aroro nusnga sinu fag taw taglong te, ‘Sik fun au,’ kanya gfauri way talun Ruma at fun.”

Fakamulun 24:13

Kanya fagayu we famatuyan sa emu sabaliwa angku te, mauri au.

Fakamulun 24:5

“Tuy fag mangama kamauri sa sangay taw Udyu sas fagdaul daga, ay kanya sik tagfangguna sik gaban at ngayan Nasarenu.

Ruma 13:7

Galay am at sadi foni nusnga seyu ay fagfonun. Ay foni tua famayad sa ay funan, ay suyui nusnga sinu tam fagsuyuun, ay fauseganani sas nusnga sinu tam fagfausegananun.