Filipus 3:3 - Fanawbuid tagsibaliwas Fakayabian

³ Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Filipus 3:3 交叉參考

Alubad. 105:3

Segi anya, tam Dius at yud e malong. Fagayu am at kinkakbang sas Yawi, useganani tua.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Eremyas 4:4

Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Eremyas 9:26

ngay taw Igiptu, ngay taw Uda, ngay taw Edum, ngay taw Amun, ngay taw Muab, ay fagayu tagbanwan sa tangayayu fag ngay talun tagagangun. At matuyan, kanya fag ngay taw anggan ngay taw Israel kata way nu yud nafae fakatoglagan.”

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Ruma 1:9

Gfaning au Dius sas fagdaul ku fakaylatun nu kamoyung au at Masine fag Barita sabaliwa at Baguama. Ay Dius nasaful wa te, gdarangin au gugat ayu,

Ruma 15:17

Nu katanya, masine kway kamatungudun fagayu ku nafakamulun laman sas Dius siginan ku fagmasadiun sa tam Fun Isus.

Ruma 7:6

Dewa katanya, Muisis at Faugali wa gagbilug ya antam, kata wan nu nbul tam. Ay kafag Faugali we fagmabalyananun ya sa antam. Nu katanya, katsi e bagu watam ugali siginan at Masine fag Falad.

Ruma 8:15

Aroro Dius at nafon ayu fag Falad, wa namagsuguanan ayu sas fakalimuun, nu bunway nafon antam at fagmasineun guro sas Dius te, “Ku Mama.”

Ruma 8:39

ay fagayu awatan tagsis tungud, ay tagsis daga daga, ay nusnge wain fag awatan wa mafasaruayan antam siginans Dius at fakesugun at nafalag sa antam siginans Isus tam Fun.

Ruma 9:6

Dewa katanya, Dius at Longan wa nyud e masuad, aroro Dius at nafili bunwa fagayu Israel at kasugfunanan.

2 Kurintu. 11:18

Nu katanya, anggan au nanfamatungudun kyangay kata tibak taw takamatungudun ste swa daga.

Galasya 5:25

Dakngani gbanwan watam sit Masine fag Falad at fagmabalyananun, fataglayuni nu gfaning tam anya.

Galasya 6:16

Dius at fagmanabayanun ay at fakafanyun sumawa nangus fia at ngay taw tagfaning takatanya fag foyungan.

Efesu 6:18

Ay kaduge am gfakamulun katanya, kabavn darangini siginan at Masine fag Falad at gubuk. Darangini fagayu ay fagdaranginun. Ay darangini tua gugat Dius at nafili fag ngay taw.

Deuterunumyu 10:16

Nu katanya, fabalii wan ay ngay amatanganan, ay lag am kamaogatun ay ngay amatanganan.

Deuterunumyu 30:6

Ay sanya ginan ban ay Dius Yawi gfabali ay ngay amatanganan ay anggan ay ngay kasugfunanan at ngay amatanganan, laman ban kesug tuam fia anya, ay ngaduge tua ban nu gleleg am.

Filipus 1:1

Ami fagdua, Pablu ay Timuteu, tam Fun Isus at ngay fagsuguan. Griruk ami sa ayu Dius at nafili fag ngay taw siginan nu nsadi am sa tam Fun Isus, sanya sfuruan Filipus, anggan sa ay ngay fagtainan ay sa ay ngay tagtanud:

Filipus 3:12

Kwa glong te, nabul kwan takatanya fagayu. Ay kwa yangay glong te, matuyan kwan. Dewa katanya, gugatan au namul kanya fag fagmatuyanun, aroro kanya tua tam Fun Isus at fagnauroun angku.

Filipus 3:14

Gfataglayun au sitsigons fakatabuan laman namul au at famonun fag leleg at yud e fakatabuan, magamut si tam Fun Isus, siginan Dius at nauroan angku.

Kulusas 2:11

Aroro siginan ay fagmasadiun sa tam Fun Isus anke fakatoglagan tuam, bundi takalag si ay bilug fag fakatoglagan, nu bunway siginan tua nu gubun am at mauri fag ngay ugali ste swa daga. Takatanya fag fakatoglagan tagsiginan tam Fun Isus.

Udas 1:20

Dewa katanya am, ku ngay fakesugun, maksvni tua sa ay mafanud fag fagafanudun. Darangini siginan at Masine fag Falad nu ggubuk ayu.