तीतुस 3:1 - परमेस्वर को सच्चो वचन

¹ अपने लोगन कै याद दिला कि सासकन और अधिकारिन के अधीन रहामैं, और उनकी सुनैं, हर एक अच्छे काम के ताहीं तैयार रहामैं।

राना थारु नयाँ नियम

¹ बिश्वासीनके याद करबा, कि हाकिम और अधिकारीके आदर करएं, और उनकी आज्ञा मानएं, और सब जनै एकदुस्रेके ताहीं अच्छे काम करनके ताहीं तयार रहाएं।

तीतुस 3:1 交叉參考

मत्ती 22:21

बे बाकै जबाब दईं, “कैसर को,” तौ ईसु कही, “ठीक है, जो कैसर को है बौ कैसर कै; और जो परमेस्वर को है, बौ परमेस्वर कै दियौ।”

1 कोरिन्थी 15:58

तौ मेरे प्रिय भईय्यौ और बहेनियौ, मजबूत रहकै अटल रहबौ, प्रभु के काम मैं सदा बढ़ते जाबौ, तुम जानथौ कि तुमरी मेहनत प्रभु मैं बेकार नाय है।

इफिसियों 2:10

परमेस्वर हमकै बौ बनाई है जो हम हैं, और मसीह ईसु के संग हमरे मिलन से बौ हमकै अच्छे करमन की जिंदगी के ताहीं बनाई है, जो बौ हमकै करन के ताहीं पहलिये से समारी।

फिलिप्पी 1:11

तुमरी जिंदगी बास्तव मैं धार्मिकता के अच्छे गुड़न से भरो होगो जो खाली ईसु मसीह पैदा कर सकथै, परमेस्वर की महिमा और बड़ाँईं के ताहीं।

कलस्सी 1:10

ताकी तुमरो चाल-चलन प्रभु के लायक होबै और सब तरहन से खुस होबौ, तुम मैं अच्छे काम के फल लगैं और तुम परमेस्वर की पहचान मैं बढ़ते चले जाबौ,

1 तिमोथी 2:2

सब राजा और सब ऊँचे पद बारेन के खातिर, हम परमेस्वर के प्रति सबै आदर और सई चाल-चलन के संग एक सांत और सांतिपूर्ड़ जिंदगी जी सकैं।

1 तिमोथी 4:6

अगर तू सब विस्वासी भईय्यन कै जे बातन की खबर देत रहगो, तौ ईसु मसीह को अच्छो सेवक मानो जागो; जो बिस्वास और अच्छी सिक्छा मैं बढ़ाओ गौ।

1 तिमोथी 5:10

और अच्छे कामन के ताहीं एक इज्जत दार होबै: एक बईय्यर जो अपने बालकन कै अच्छी तरह से पाली, अपने घरै हितुअन कि सेवा आदर करी होबै, पवित्र लोगन के पाँव धोई होबै, और विस्वासिन की मेहमानदारी करी होबै, लोगन की परेसानी मैं मदत करी होबै, और उनके ताहीं अच्छो करन के ताहीं खुदकै सौंपी होबै।

2 तिमोथी 1:6

जौ बजह से मैं तुमकै समकाथौं, जब मैं तुमरे ऊपर हाथ रखो तौ परमेस्वर तुमकै जो उपहार दई, बाकै जिंदो रखैं।

2 तिमोथी 2:14

अपने लोगन कै जाके बारे मैं समकाबौ, और उनकै परमेस्वर की मौजूदगी के ताहीं गंभीर तरीका से सुधी दिबाए देबौ कि बे सब्दन के ऊपर नाय लड़ैं। जो फायदेमंद ना है, पर सिरफ सुनन बारेन कै बरबाद करथै।

2 तिमोथी 2:21

जो आदमी बे सब बुरी चीजन से खुदकै सपा करथैं, उनको इस्तमाल खास उद्देस्य के ताहीं करो जागो, काहैकि बे अपने गुरु के ताहीं समर्पित और उपयोगी हैं, हर अच्छे काम के ताहीं इस्तमाल होन के ताहीं तैयार हैं।

तीतुस 1:16

बे परमेस्वर कै जानन को दाबा करथैं, लेकिन अपने काम से बाको इंकार करथैं। बे घिनौनाे, आग्या ना मानन बारे और कोई भी अच्छे काम के काबिल नाय हैं।

तीतुस 2:14

बौ खुदकै हमरे ताहीं दै दई, हमैं सब अधर्म और बुराई से बचान के ताहीं हमकै एक सुद्ध इंसान बनान के ताहीं बे जो खाली बाके हैं अच्छो करन के ताहीं उत्सुक है।

तीतुस 3:14

हमरे आदमिन की जरूरत पूरी करन के ताहीं अच्छे काम करन कै सिखाबौ ताकी बे कामयाब बनै।

तीतुस 3:8

जौ एक सच्ची कहाबत है। मैं चाहथौं कि तुम जे मामलन मैं खास जोर देबौ, ताकी जो लोग परमेस्वर मैं बिस्वास करथैं, बे अच्छे काम करन के ताहीं अपनो समय दै सकैं, जो सबन के ताहीं अच्छो और जरूरी है।

हिब्रू 13:21

तुमकै सब अच्छी बातन मैं सिद्ध करै, जोसे तुम बाकी इच्छा पूरी करौ, और जो कुछ बाकै भाथै, बाकै ईसु मसीह के जरिया हममैं बौ करै जो बाकै पसंद है और बाकी महिमा और आदर हमेसा बनो रहबै! आमीन।

2 पतरस 1:12

और इसलै मैं तुमकै हमेसा जे मामलेन की याद दिबांगो, भलेई तुम उन्हैं पहले से ही जानत होबौ और तुमरे जरिये मिली भइ सच्चाई के ऊपर मजबूती से स्थिर होमैं।

यहूदा 1:5

भले ही तुम जौ सब जानथौ, लेकिन मैं तुमकै याद दिलानो चाहथौं कि कैसे प्रभु एक बार इस्राएल के लोगन कै मिस्र देस मैं से बचाई रहै, लेकिन बाद मैं उनकै खतम कर दई, जो बाके ऊपर बिस्वास नाय करत रहैं।