71 कि बौ हमैं हमरे बैरियन से बचागो, बे सबन की ताकत से जो हमसे बैर रखथैं उनके हात से हमरो उद्धार करी है।
“आबौ हम इस्राएल के परमेस्वर प्रभु की स्तुति करैं! बौ अपने लोगन को छुटकारा और आसीस देन ताहीं आओ है, और उनकै आजाद करी है।
बौ हमैं हमरे बैरियन से बचान को वादा करी और हमैं बिना कोई डर के बाकी आराधना करन की इजाजत दई,
जो कोई पाप करतै रहथै बौ सैतान को है, काहैकि सैतान सुरू सेई पाप करी है। परमेस्वर को लौड़ा जौ कारड़ से दिखाई दई, जो कि सैतान करी रहै बाको नास करै।
