यूहन्ना 21:12 - परमेस्वर को सच्चो वचन

¹² ईसु उनसे कही, “आबौ, खानु खाबौ।” चेलन मैं से कोई की हिम्मत नाय पड़ी की बासे पूँछै, “कि तैं कौन है?” काहैकि बे जानत रहैं कि जौ प्रभु है।

राना थारु नयाँ नियम

¹² येशू बिनसे “खानके आओ!” कहिके बुलाइ। बहेबेरा कोइ फिर चेला “तुम कौन हओ?” कहिके येशूसे पुँछनके हिम्मत नाए करी। बे चिनगए रहएं कि बा प्रभुए हए करके।

यूहन्ना 21:12 交叉參考

मत्ती 22:46

कोई भी ईसु को कोई सो भी जबाब देन के काबिल ना रहैं, और बहे दिन से कोईये कोई सो सबाल पूँछन की हिम्मत नाय रखीं।

मर्कूस 9:32

पर बौ जो उपदेस देत रहै बौ बात उनकी समझ मैं नाय आई, और बे बासे पूँछन से डरात रहैं।

लूका 9:45

पर चेला जे बातन कै नाय समझत रहैं, और जौ उनसे छिपाओ गौ रहै; ताकी बे बाकै जान ना पामैं, और बे जौ बात के बारे मैं बासे पूँछन से डरात रहैं।

यूहन्ना 16:19

ईसु जानत रहै कि बे बासे सबाल पूँछनों चाहथैं, तभई उनसे कहथै, “मैं कहो, ‘थोड़ी देर मैं मोकै नाय देखैगे, और फिर थोड़ी देर मैं मोकै देखैगे।’ का तुम जहे बारे मैं पूँछ रहे हौ अपने आप?

यूहन्ना 21:11

तौ सिमौन पतरस नईंयाँ मैं चढ़कै एक सौ तिरेपन बड़ी मच्छिन से भरो भौ जार डींड़े मैं खींची, और इत्ती मच्छी होन की बजह से भी जार नाय फटो।

यूहन्ना 21:15

खानु खान के बाद ईसु सिमौन पतरस से कही, “सिमौन, यूहन्ना को लौड़ा, का तैं इन सबसे अगरो प्यार करथै?” सिमौन पतरस बासे कही, “हाँ, प्रभु; तैं तौ जानथै कि मैं तोसे प्यार करथौं,” ईसु बासे कही, “मेरे मेम्नन कै चुगा।”

यूहन्ना 4:27

इत्ते मैं बाके चेला आए गै, और अचम्मो मानन लागे कि बौ बईय्यर से बतकाए रौ है; फिर भी कोई कछु नाय पूँछी, “कि तैं का चाहथै? या फिर काहेकै तैं बासे बतकाए रौ है?”

प्रेरित 10:41

सब लोगन कै नाय बल्कि उन गभन कै जिन्हैं परमेस्वर पहले से चुन लई रहै, मतलब हमकै जो बाके मरे भैन मैं से जी उठन के बाद बाके संग खाईं पीं।