प्रेरित 12:10 - परमेस्वर को सच्चो वचन

¹⁰ तौ बे पहलो और दुसरो पहरा से निकरकै बौ लोहे के फाटक मैं पुगे, जो सहर के घाँईं रहै। तौ उनके ताहीं अपने आप फाटक खुल गौ, और बे एक गलियारे हुईकै दुआरे निकर गै। और तुरंतै स्वर्गदूत पतरस कै छोड़कै चले गौ।

राना थारु नयाँ नियम

¹⁰ जब पहिलो और दुस्रो पहरा-टोली हुइके, सहरको लोहाको मूल फाटकमे आएपुगे। बो फाटक अपनए खुलो और बे बाहिर निकरे। तओ एक गल्ली पार करके स्वर्गदूत पत्रुसके छोडके चलोगओ।

प्रेरित 12:10 交叉參考

यूहन्ना 20:19

सप्ताह के पहले दिन इतवार कै, संजा के समय हुँआँ पर चेला फाटक बंद करकै एक कमरा मैं जुराने रहैं, काहैकि बे यहूदियन के नेतन से डरात रहैं। तौ फिर ईसु आओ और उनके बीच मैं ठाड़कै उनसे कही, “तुमकै सांति मिलै।”

यूहन्ना 20:26

एक सप्ताह के बाद बाके चेला फिर घर के भीतर रहैं, और थोमा उनके संग रहै; और फाटक बंद रहैं, तौ फिर ईसु आओ और उनके बीच मैं ठाड़कै कही, “तुमकै सांति मिलै।”

प्रेरित 12:4

बाकै पकड़वान के बाद पतरस कै कैदखाना मैं डार दौ गौ, जितै उनकै चार सैनिकन के चार झुंडन के जरिया हर एक कै बचान के ताहीं सौंप दौ गौ रहै। हेरोद फसह के बाद बाकै जनता के मुकदमा मैं डारन की योजना बनाई।

प्रेरित 16:26

कि इत्ते मैं अनकाचीति एक बड़ो हालाचाला आओ, जो कैदखाना की बुनियाद को पथरा तक हलाए दई। एक बार सब फाटक खुल गै, और सबन की साँकर खुल गईं।

प्रेरित 5:19

लेकिन रात कै प्रभु को एक स्वर्गदूत कैदखाना के फाटक खोलकै, प्रेरितन कै दुआरे निकारी, और उनसे कही,

प्रकाश 3:7

“फिलदिलफिया की कलीसिया के दूत कै जौ लिख: पवित्र और सच्चाई के घाँईं से जौ संदेस है। बाके झोने बौ चाबी है जो दाऊद की है, और जब बौ फाटक खोलथै, तौ कोई बाकै बंद नाय कर सकथै, और जब बौ बंद कर देथै, तौ कोई बाकै खोल नाय सकथै।