1 यूहन्ना 2:1 - परमेस्वर को सच्चो वचन

¹ मैं जौ तुमकै, मेरे बालकौ लिखरौ हौं, ताकी तुम पाप नाय करौ; लेकिन अगर कोई पाप करथै, तौ हमरे झोने कोई है जो हमरो मदतेया है, जो हमरे घाँईं से दऊवा से प्रार्थना करथै। जौ आदमी ईसु मसीह है जो न्याई है।

राना थारु नयाँ नियम

¹ मेरे छोटे बालका, मए जा बात तुमके जहेमारे लिखत हओं, कि तुम पाप मत् करओ, और अगर कोइ पाप करैगो कहेसे दौवा परमेश्वरके ठिन हमर एक साहायक येशू ख्रीष्ट हए जो धर्मी हए। बा हमर पापके माफी करन ताहीं परमेश्वरसे बिन्ती करत हए।

1 यूहन्ना 2:1 交叉參考

लूका 10:22

मेरो दऊवा मोकै सब कछु दई है; कोई ना जानथै कि लौड़ा दऊवा कै छोड़कै कौन है, और कोई ना जानथै कि दऊवा लौड़ा कै छोड़कै कौन है और लौड़ा कौनके चुनथै।”

यूहन्ना 10:15

मैं अच्छो बरदिया हौं। जैसो दऊवा मोकै जानथै और मैं दऊवा कै जानथौं, बैसिये मैं अपनी भेंड़न कै जानथौं। और मैं उनके ताहीं ज्यान देन ताहीं तैयार हौं।

यूहन्ना 13:33

मेरे बालकौ, मैं जरा देर और तुमरे झोने हौं। फिर तुम मोकै बाद मैं ढूँड़ैगे, और जैसो मैं यहूदि नेतन से कहो, ‘जितै मैं जाथौं हूँना तुम नाय आए सकथौ बैसिये अब मैं तुमसे कहथौं।’

यूहन्ना 14:16

मैं दऊवा से नहोरे करंगो, और बौ तुमकै एक मदत करन बारो देगो, कि बौ हमेसा तुमरे संग रहबै।

यूहन्ना 14:6

ईसु बासे कही, “रहा और सच और जिंदगी मैं ही हौं; बिना मेरे जरिये कोई दऊवा के झोने नाय पौहौंच सकथै।

यूहन्ना 21:5

तौ फिर ईसु उनसे कही, “बालकौ, का तुमरे झोने थोड़ी मच्छी हैं?” बे जबाब दईं, “ना हैं।”

यूहन्ना 5:14

जे सब बात होन के बाद बौ ईसु कै मंदिर मैं मिलो, और ईसु बासे कही, “देख, तैं अच्छो हुई गौ है; फिर से पाप मत करिये, ऐसो नाय होबै कि जासे कोई बड़ी आफत तेरे ऊपर आए जाबै।”

यूहन्ना 5:36

पर मेरी जो गभाई है, बौ यूहन्ना की गभाई से बड़ी गभाई है: काहैकि जो काम मोकै दऊवा पूरो करन के ताहीं सौंपी है मतलब कि जहे काम जोमैं करथौं, बे मेरे गभा हैं, कि बाबा मोकै पनारी है।

यूहन्ना 6:27

खतम होन बारे खानु के ताहीं मेहनत मत करौ, पर बौ खानु के ताहीं जो अनंत जिंदगी तक रहथै, जो कि आदमी को लौड़ा तुमकै देगो, काहैकि दऊवा, यानी परमेस्वर बहे के ऊपर छाप लगाई है।”

यूहन्ना 8:11

बौ बईय्यर कही, “हे प्रभु, कोई नाय दौ।” ईसु कही, “महुँ तोकै सजा की आग्या नाय देंगो; और अब तैं जा और कहु पाप मत करिये।”

प्रेरित 7:52

भविस्यवक्ता मैं से कौनकै तुमरे पुरखा नाय सताईं रहैं? बे परमेस्वर के दूतन कै मारडारीं, जो भौत पहले अपने धर्मी सेवक के आन के बारे मैं घोसड़ाँ करी रहैं। और अब तैं बाकै धोका दैकै मार डारो है।

रोमियों 5:10

हम परमेस्वर के दुस्मी रहैं, लेकिन बौ हमैं अपने बालक की मौत के जरिया अपनो दोस्त बनाई। अब जब हम परमेस्वर के दिलबर हैं, हम मसीह की जिंदगी से कित्तो बचंगे!

रोमियों 6:15

तौ का भौ? का हम जहे के मारे पाप करैं कि हम नियम के अधीन नाय बल्किन अनुग्रह के अधीन हैं? कतईये नाय!

रोमियों 8:34

फिर कौन है जो सजा की आग्या देगो? ईसु मसीह बौ है जो मर गौ बल्किन मरे भौ मैं से जिंदो भी हुई गौ, और परमेस्वर के दहने है, और हमरे ताहीं बिन्तिओ करथै!

1 कोरिन्थी 15:34

होस मैं आबौ। पाप करनो बंद करौ, तुमरे मैं से तमान तौ ऐसे हैं, जो परमेस्वर के बारे मैं कछुए नाय जानथैं, मैं तुमकै सई मैं लज्जित करन ताहीं जौ करथौं।

2 कोरिन्थी 5:21

मसीह पाप से अनजान रहै, बहेकै बौ हमरे ताहीं पाप बनाए दई, कि हम उनमैं हुईकै परमेस्वर की धार्मिकता बन जामैं।

गलातियों 4:19

मेरे प्रिय बालकौ! जब तक तुम मैं मसीह को रूप ना बन जाबै, तौले मैं तुमरे ताहीं एक बच्चा के जनम देत भइ अईय्या के हानी दुख सहथौं।

इफिसियों 2:18

जौ सब ईसु मसीह के बजह से भौ कि हम सबै, यहूदि और दुसरी जाति, एक आत्मा मैं हुईकै परम दऊवा की मौजूदगी मैं आन ताहीं काबिल हैं।

इफिसियों 4:26

अगर तुम गुस्सा हुई जाथौ, तौ अपने गुस्सा मैं आयकै पाप मत करौ, दिन मुदन तक तुमरे गुस्सा न रहबै।

1 तिमोथी 2:5

काहैकि एकै परमेस्वर है, और एक जनी है जो परमेस्वर और इंसान कै एक संग लाथै, बौ ईसु मसीह है,

1 तिमोथी 3:14

मैं तेरे झोने जल्दी आन की आसा रखन पर भी जे बातैं तोकै इसलै लिखथौं।

हिब्रू 9:24

काहैकि मसीह तौ बौ हाथ के बनाए भै पवित्र जघा मैं जो सच्चे पवित्र स्थान को नमूना है, नाय घुसो, लेकिन स्वर्ग मैं ही घुसो, ताकी हमरे ताहीं अब परमेस्वर के अग्गु दिखाई देबै।

याकूब 1:27

हमरे परमेस्वर और दऊवा के झोने पवित्र और निरमल धर्म जौ है, कि अनाथन और बिधवन के कलेस मैं उनकै याद करै, अपने आपकै दुनिया से निर्दोस रखाबै।

याकूब 3:9

जहे से हम प्रभु और दऊवा को धन्यवाद देन ताहीं करथैं और जहे से दुसरे लोगन कै आसीस की जघा स्राप देन के ताहीं करथैं, जो परमेस्वर के तराहनी बनाये गै हैं।

1 पतरस 2:22

बौ कोई पाप नाय करी, और कोई कहु बाके होटन से झूठ नाय सुनीं।

1 पतरस 3:18

तभई कि मसीह भी, मतलब अधर्मियन के ताहीं धर्मी पापन के कारड़ एक बार दुख उठाई, ताकी तुमकै परमेस्वर तक लैजाओ जाए सकै। बाकै सरीर के रूप से मार डारो गौ, लेकिन आत्मा के रूप से जिंदो कर दौ गौ,

1 यूहन्ना 3:18

मेरे बालका, हमरो प्रेम सिरफ सब्द और बात नाय होनो चाहिए; जौ सच्चो प्रेम होनो चाहिए, जो खुदकै काम मैं दिखाथै।

1 यूहन्ना 3:5

तुम जानथौ कि मसीह पापन कै दूर करन के ताहीं दिखाई दई, एक और जौ कि उनमैं कोई पाप नाय है।

1 यूहन्ना 3:7

कोई तुमकै धोका ना देबै, मेरे बालकौ! जो कोई सई करथै बौ न्याय है, जैसी कि मसीह न्याई है।

1 यूहन्ना 4:4

लेकिन तुम, मेरे बालकौ परमेस्वर के हौ, और झूठे भविस्यवक्तन कै हराए हौ, काहैकि जो आत्मा तुम्मैं है बौ आत्मा से जो दुनिया से जुड़े भै लोगन मैं है जाधे सक्तिसाली है।

1 यूहन्ना 5:17

सब अधर्म पाप है, लेकिन ऐसो पाप है जोसे मौत नाय होथै।

1 यूहन्ना 5:21

मेरे बालकौ, अपने आपकै झूठे मूर्ति देवतन से बचाए कै रखौ!

3 यूहन्ना 1:4

जितनी खुसी मोकै जौ सुनकै होथै कि मेरे बालका सच्चाई मैं जीथैं उतनी खुसी मोकै और कोई बात से ना होथै।