Yoano 3:3 - KILOMBENO KIHYA KIA NFUMWETU YESU KIDISITU

³ Yesu bamwalulwile’shi: Binyibinyi, binyibinyi biankulungula’shi: Su muntu takatandjibwa diakabidi, tanakamone bufumu bw’Efile Mukulu, ooo.

Yoano 3:3 交叉參考

Ii Bena Kodinda 5:17

Binyibiabia su (muntu) e mu Kidisitu, su nanyi su nanyi, e nkihangwe kihya; bintu bia kala bibakididile; talai, bintu bioso bibāluluka tabidi bihya.

I Yoano 3:9

Ese muntu ’mutandjibwe n’Efile Mukulu talwishā, ooo, mwanda lubio lwe alwikadidila munda mwe, n’e teuku kulwisha, mwanda ’mutandwe n’Efile Mukulu.

I Yoano 5:1

Ese muntu akumina’shi, Yesu, nyi Kidisitu e mutandwe n’Efile Mukulu; n’ese muntu e na kifulo na yawa nambutwile, afule namu winyi mutandjibwe kwadi.

Tetusa 3:5

tampa bikitshino bia kululama biatubakitshine’twe, ooo, anka mulombene lusa lwe betuhashishe, ku kusulwa kwa kutandjibwa-kwa-kabidi, na ku kuhangulwa kwi Kikudi-E-Selelee;

Yoano 1:13

Kwi’bo bashī batandjibwe ku mase, sunga nkwishimba dia ku mbidi, sunga nkwishimba dia muntu, ñanka kw’Efile Mukulu.

I Yoano 2:29

Su anwiuku’shi, E mululame (biabia) anwiuku’shi, muntu ese akitshi kululama e mutandjibwe kwadie.

I Petelo 1:3

Efile Mukulu Yaiya a Nfumwetu Yesu Kidisitu ahebwe mwabi, e mwiyile lusa lwe lukishekishe betutandjile diakabidi ku lukuluhilo lwa muwa, ha lusangukilo lwa Yesu Kidisitu ku lufu,

Bena Ngalatea 6:15

Mwanda mu Kidisitu Yesu sunga kisale, sunga nkukutwa kisale tabikitshi kintu, ñanka kihangibwa kihya.

I Yoano 5:18

Atwiuku’shi, muntu ese mutandjibwe kw’Efile Mukulu tasolā myanda, anka yawa mutandiibwe n’Efile Mukulu elama e na mwinyi, na yawa mubi tamukumu, ooo.

Ii Bena Kodinda 4:4

mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika.

Yoano 12:40

E babwikile mesoabo, E bakomesha mashimba’bo; tala, abakamono na meso abo, sunga kushingula na mashimba’bo, mwandjia kwalula mashimba’bo, n’ami nkebahasha.

Bena Efisesa 2:1

N’anwe nubadi bafwe mu kusola kwa myanda na milwisho:

Yoano 1:5

Etata namu aditosha ’mufito, na mufito tawidishingula, ooo.

Yakoba 3:17

Anka binangu bitukye mwiilu kia kwibedi nyi nkutoka selelee, ku mongo nkui’ukama, kasendeleshi, abibofula ha kusendelwa, mbiule na lusa na bikuba bilumbulukye, bishī na mpaka, na bunsesa.

Yoano 1:51

Biabia bamulungwile’nyi’shi: Mbinyibinyi mbinyibinyi nakwamba’shi: Anukamono eilu dishitukye, na bamwikeilu b’Efile Mukulu bakaminanga, bayikanga ha Mwan’a Muntu.

Mateo 16:17

Yesu bamwālulwile’shi: Obe sha mwabi, Shimona Bashona, mwanda mbidi na mase tabibakufumbukile, ooo, anka Shami e mwiilu.

Mateo 5:18

Mwanda binyibinyi, nenulungula ’shi: mpā n’ahakashimina eīlu na nsenga, sunga kahelahela ke ntshantshantsha, su ke nyunyunyu ka mukanda-wa-bishila takakashimina sunga kahelahela kenyi, mpā na haukakumbana.

Kibafumulwe 3:14

Kwi mwikeilu a ku kikoñeno kia mu Laodiecèe ofunde’shi: Yawa Amena, sha kishima, kamonyi ka binyibinyi, mbangilo ya bihangibwe bi’Efile Mukulu akula’shi:

Mateo 19:24

Na dimonyi nenulungula’shi: nkikilekubofula (nyama) ngamedia kutwela mwiiso dia shindanyi, na he muntu mpeta kutwela mu Bufumu bwa mwiilu.

Mateo 21:31

anka tamwende, oooshye? Abamwambile’shi, Ank’awa a kwibedi. Yesu bebalungwile’shi Binyibinyi nenulungula’shi: Basangishi-ba-milambu na basha masandji bana bakashi, abenubadidilā’nka kutwela mbufumu bw’Efile-Mukulu.

Mako 9:47

Su eiso diobe namu adikukokosha, edikatusha, mwanda, kutwela mubufumu bw’Efile-Mukulu n’eiso dimune nyi kukila kodibe, su kuelwa mu kālo ka Ngehena na meso obe abidi.

Mako 10:14

Anka Yesu hakumona biabia badi mufitshilwe kwishimba, bebamba’shi: Kuminai bana bahela bafike kwandji’mi, ta nwibatoshanga, mwanda bufumu bw’Efile-Mukulu mbwabo.

Yoano 3:4

Nekodema namu’shi: Su muntu tadi mununu euku naminyi kutandjibwa diakabidi? Euku mwa kutwela mususa wa kabidi munda mwa nyin’e, atandjikwa’nyi su?

I Yoano 5:4

Mwanda kintu kioso kitandwe n’Efile Mukulu akikambilā bia hanohansenga, na kino nyi kiobesho akiobeshā bia bahanohansenga, nyi ndukuluhilo.