Mateo 6:2 - KILOMBENO KIHYA KIA NFUMWETU YESU KIDISITU

² Binyibiabia hokitshi biabuntu (biobe) ha kuhana, twelanga mpungi kumpala kobe, bu amukitshine bansesa mu bitumbwilo na mu mpata, mwa biadia kutumbishibwa kwi bantu. Nenulungula, binyibinyi’shi, abakwete kutambula bwedi bwabo.

Mateo 6:2 交叉參考

Mateo 6:5

Hōtekye, twekalanga bu bansesa; mwanda abasehela kwimana mu bitumbwilo na ku masank’a mpata mwa kumwekibwa kwi bantu. Nankulungula, binyibinyi abakwete kutambula bwedi bwabo.

Mateo 6:16

Dimonyi, hanushidi biakudia namu, tanwikalanga bongame bu bansesa, mwanda’bo abanyengye nkyebo yabo bebamone’shi mbashile biakudia. Binyibinyi, nenulungula’shi, abakwete kutambula bwedi bwabo.

Yoano 5:41

Tankumina kutambula kinemo kwi bantu, ooo.

Bena Bahebelu 13:16

Anka kukita bibuwa na kuhana biabuntu, binwilwanga’bio; mwanda mu bitahilo bi biabia nyi amusehela Efile Mukulu.

Luka 20:46

Dimukai bafundji-ba-mikanda abakyebe kutambuka na mitwelo yila, be na kifulo kia nyimuno mu bisalwe, na bishalelo bia ku mpala mu bitundwilo, na mbalo ya ku mpala ku bidibwa bia kusehela.

Yoano 7:18

E akwila na mwinyi, akimbi ntumbo ye na mwinyi: ank’e akimbi ntumbo ya bamutumine, e nga binyibinyi, te na yishīyilulame munda mwe.

I Petelo 4:11

Su kwiumune ākula, ākule bu mwisambilo w’Efile Mukulu; su kwi mungi’nyi alungulā y’Efile, eyikitshine mu bukome bu abuhanā Efile Mukulu’shi, Efile Mukulu atumbishibwe mu bintu bioso mu Yesu Kidisitu, kwadie kwikale ntumbo na bukome mpaa na kwikala-ika. Amena.

Bena Efisesa 4:28

Yawa baihanga takumanga kwiba dimonyi; anka atuhwite mu mifubo ya maas’e mu kiakia kitumbulukye’shi, amone bia kuha yawa e na lukalo.

Bena Ngalatea 2:10

Anka abakyebanga’shi, tunangushene balanda n’au winyi nyi unankyebanga kunyingamēna kukita.

Bikitshino 10:4

Habamushinkikile meso, bakwetwe na moo, bambile’shi: A nkinyi Mwanana? E bamwalulwile’shi: Nteko yobe na bia buntu biobe bibakamine ku mpala kw’Efile Mukulu bu kitentekyesho.

I Temote 6:18

bakite bibuwa, bekale bampeta mu bikitshino bilumbulukye, bemēne mu kwabila na mu kukwashia (bakwabo).

Bena Loma 12:8

Sunga kulanga malongo, e namu anka ku kulanga kwe: ahanā ahane musumbule’shimba; akokyeshā bantu ebakokyesha na nkutuhuta; afwilā lusa, afwile na tuseho.

Bikitshino 24:17

Binyibiabia habakile bihwa bibungi nafikile kufisha biabuntu na milambu ku mwilo wande.

Bikitshino 10:31

Bakwile’shi: A Konelusa, luteko lwobe lubahushibwa, na biabuntu biobe bibatentekyeshwa ku mpala kw’Efile Mukulu.

Bikitshino 10:2

Badi muntu mululame, badi atshinyi Efile Mukulu na ba munshibo ye boso hamune, badi aha bantu bia buntu bibungi, badi alangwila Efile Mukulu mafuku oso.

Bikitshino 9:36

Binyibiabia mu Yoha mubadi mulondji eshina die bu Tabita, kuhatula kwa’dio nyi Dokasa. Uno mwana mukashi badi mukambe na bikitshino bibuwa na kuhana kwa buntu.

Yoano 13:29

Mwanda Yudasa badi mutwale’dimba, bangi babatentekyeshe Yesu amwambashe kaule biatukyebe bia ha kidilo, su nkuha balanda kintu.

Yoano 5:44

Anwiuku kukumina na minyi, anwe’betumbishena, tanukyebe ntumbo ayifikye kwEfile Mukulu, ank’E na mwinyi?

Luka 6:42

Ouku na minyi kwamba mukwenu’shi: A mukwetu, okyebe nkukatushe kasoma ke mwīso diobe, obe na mwinyi twemumone mulamba wi mwīso diobe’u. Obe nsesa, badila kukasha mulamba wi mwīso diobe, biabia okamono biya mwa kukashisha kasoma ke mwīso dia mukwenu.

Mako 12:39

Na mankwasa akata a kumpala e mu bitumbwilo, na ha bidibwa bikata namu abakyeb’anka ha mankwasa akata.

Filemone 1:7

Mwanda twi na muloo ukata na kisengyelo mu kifulo kiobe, mwanda wa kutshitshimuka kwa kanya ka bahatulwe-bekishila abesangūla kodi’be mukwetu.

I Bena Tesalonika 2:6

sunga nkukimba ntumbo kwi bantu, sunga nkwanudi’nwe, sunga nkwi bangi, ooo, n’aho henyi hatwibeukye kunemenwa na bushito bu batumibwa ba Kidisitu.

Bikitshino 11:29

Henyihaha balondji b’Efile, muntu ese muhunda buheta bwe, abafunyine’shi: Tutume bia kukwashia bakwetu babombele mu Yudea.

Luka 13:15

Anka Nfumwetu bamwalulwile’shi: Obe nsesa, ese’enu shyashitula ku kikutu ngombe’e sunga mpunda hadilā, kwiyifungila ku mema h’efuku dia Sabado, nanyi?

Luka 12:56

(Anwe) bansesa, anwiuku kutundula mpala yeilu na ya nsenga, anka a nkinyi tanushingula bia kino kihindji?

Luka 12:33

Nuhanei bia nudi n’abio, nuhane bia-buntu; nwifishishe kwi’ nwe bana bene madimba ashyakakulu, kintu kineme mwiilu kishī na nfudilo, amo (namu) sunga ngifi takefubula hehi, sunga nkēshi kakulwisha kianka.

Luka 11:43

Mpombo kwanudi anwe Bafadi seo! mwanda’nwe nwi na kifulo na bishalelo bia ku mpala mu bitumbwilo, na kwimunyībwa mu mabulu a bisalwe.

Luka 11:41

Anka mbikile buwa nuhane bia buntu ku bintu bianudi na’bio; biabia bi mu bioso mbitokye kwanudi.

Luka 6:24

Anka mpombo kwanudi anwe bampeta! mwanda nubahu kutambula kisambilo kienu.

Mako 7:6

E bebālulwile’shi: Mbinyi Eseasa benutemukile’nwe bansesa bu bibafundjilwe’shi: Aba bantu mbanemekye ku milomo, anka mashimb’abo e kula n’ami.

Mateo 24:51

Akamutshibi bihindji bibidi, abakamutula kihindji kie hamune na bansesa: akukekala kudila na kwisuma kwa meno.

Mateo 23:6

abasehelā na mbalo yineme ha bidibwabia-kusehela, na bishalelo bia ku mpala mu bitumbwilo;

Mateo 22:18

Anka Yesu bashingulwile bubi bwabo, bakwile’shi: A nkinyi kianuntompo anwe bansesa?

Mateo 16:3

Namashika namu (anwakula’shi) akukekala kubuka mpeshi lelo, mwanda eilu ndjimonge hyaa, na makumbi abafindji. Anwe bansesa, anwiuku kushingula mpala y’eilu; anka tanwiuku kushingula bitundwilo bia bihindji’nyi?

Mateo 15:7

Anwe bansesa, Esaiye benutemukidile’nwe biya’shi:

Mateo 7:5

Obe nsesa, badila kwibedi kutusha mulamba wi mwiiso diobe, biabia okamono bibuwa mwa kukatusha kasomwa ke mwiiso dia mukwenu.

Mateo 5:18

Mwanda binyibinyi, nenulungula ’shi: mpā n’ahakashimina eīlu na nsenga, sunga kahelahela ke ntshantshantsha, su ke nyunyunyu ka mukanda-wa-bishila takakashimina sunga kahelahela kenyi, mpā na haukakumbana.

Mateo 6:3

Anka ha kuhana biabuntu biobe, tweukishanga eyasa diobe dibakashi kikite eyasa diobe dibalume;

Mateo 23:5

Anka bikitshino biabo bioso biabakitshi mbia kutadibwa na bantu: abatamishā nfalakatele yabo, abatamishā namu masasala a bifwalwa biabo;

I Bena Kodinda 13:3

Su natusha bintu biande bioso kudisha (balanda,) su nahana mbidi yande kushikibwa ha kālo, na kifulo nki n’akio, biabia nki na kia nkamwena mwanka sunga nkimune.