11 Henyihaha diabola bamulekyele, bamwikeilu abafikile mu kumukwashia.
Otentekyesha’shi, ami tañuku binobino kwitanyina Shami, E namu akantumina bamwikeilu kukila binunu makumi musambobidi na bibidi su?
Abo boso tambikudi bia mulubo, babatuminwe kufubilā’ba abakekala bampianyi ba kihandjilo su?
Biabia mwikeilu a mwiilu bamwekyele kwadi, bamunyishishe.
Kafilefile habahudishe mitompo yoso, bakatukile kwadi kihindji.
Dimonyi, hakufwisha Mwan’e a mbedi hanohansenga, amba’shi: Bamwikeilu boso bamulangwile;
Bino takianyinulungula myanda yi bungi, ooo; mwanda sha matalwa a hano-ha-nsenga afiki, anka mwandji tamwikie, sunga kimune.
Hanadi nenu mu ntempelo kwifuku n’efuku, tanwibōle masa kunkwata: anka yino nyi nsa yenu, na matalwa a mufito.
Mu mahia a kabāka bēkele mwanka mafuku makumi ananka atompibwa na Satana; badi mwikale na nyama yi bukyelo, na bamwikeilu babamunyishanga.
Bamulungwile’shi: Sue Mwan’Efile Mukulu weihone hashi, mwanda ubafundjibwe’shi: Akakulayila bamwikeilu b’E, abo namu abakakutwala mu maboko abo, tala okakokola lwā lwobe kwībwe.
Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo.
