Mateo 3:2 - KILOMBENO KIHYA KIA NFUMWETU YESU KIDISITU

² Nwilangei’mashimba mwanda wa bufumu bwa mwiilu tabudi hehi.

Mateo 3:2 交叉參考

Mateo 4:17

Ku kia kihindji Yesu babangile kulungula’shi; Elangei munda, mwanda bufumu bwa mwiilu butadi hehi.

Mako 1:15

Kihindji kibakumbana na bunfumu bw’Efile-Mukulu namu bubefubwilwa hehi: nwīlangeyi ku mashimba, nukuminei mukāndu wibuwa.

Luka 24:47

Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

Mateo 6:10

Bufumu bwobe bufikye. Bikitwe hanoha-nsenga abikyeb’eshimba diobe, bu biabidi bikitshibwe mwiilu.

Ii Bena Kodinda 7:10

Mwanda kufita kweshimba kwa bwin’Efile akwikashā kwilanga ku kihandjilo kushī na kwalula mwishimba, anka kufita kweshimba kwa bahanohansenga akwikashā lufu.

Mateo 10:7

Bianuende nulungule’shi: Bufumu bwa mwiilu tabudi hehi.

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

Luka 15:10

Nenulungula’shi: Anka biabia, kwi kusehela ku mpala kwa bamwikeilu b’Efile Mukulu ahelanga mulwishi umune mwishimba.

Luka 13:3

Nenulungula’shi, ooo, anka su tanwilanga ’mashimba enu, anwe boso anukalwila’nka hamune.

Luka 11:20

Anka su’mi nabingi bikudi bibi na munwe w’Efile Mukulu, biabia bufumu bw’Efile Mukulu bubafiki kwanudi binyibinyi.

Ii Petelo 3:9

Nfumwetu te na kwiisha ha mwanda wa mulayilo we, hamune bamo (bantu) abahwandjikisha kuisha, ooo; anka e na kuhuñanyi kwanudi, takyebe sunga ngumune kushimina, anka’shi, boso bafikye ku kwilanga kw’eshimba.

Bikitshino 17:30

Biabia bihindji bia kuhatamina Efile Mukulu ebilekyela; anka binobino akamikā bantu boso kosokoso’shi, belangye ’mashimba;

Bikitshino 11:18

Hābahushishe yino myanda, abauminyine nyaa, tabatumbishe Efile Mukulu’shi: Biosobi Efile Mukulu muhe Badjentaila namu kwilanga kwa mashimba ku muwa.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Luka 6:20

Henyihaha babushishe meso e ha bana-be-ba-bukishi’shi: Mwabi wikale kwi’nwe balanda, mwanda bufumubw’Efile Mukulu mbwenu.

Mateo 13:52

Henyihaha E bebalungwile’ shi: Binyibiabia oso mufundji-a-mikanda amulambukishwe bu mulondji ku Bufumu bwa mwiilu ’muhwandjikile muntu sha nshibo, atusha bia buneme bwe abia bihya na bikulu.

Mateo 13:47

Dimonyi, Bufumu bwa mwiilu nyi buhwandjikile na bukondja bubēlwe mu kalunga-ka-mema, bubakongwelwe ya bihaso bioso.

Mateo 13:33

Ungi mwele bebambile’shi: Bufumu bwa mwiilu bubahwandjikile na kitatusho kibātshile mwana-mukashi, bekifīle mu bihimo bisatu bia bukula mpaa n’ahakibatatukile kioso kishima.

Mateo 12:41

Bantu ba ku Ninefa abakabwēla mu kimu na kano kekulu (kabantu), abakekahīsha; mwand’abo belangye mu mashimba ku kulungula kwa Yonasa, na talangai, mukile Yonasa bukata e hano.

Ii Temote 2:25

akalashena na kuhohela kwi ba abatuhishena; hangi su Efile Mukulu akebaha lwilango lw’eshimba lwa kwiukidila kwa biabinyibinyi;

Bena Kolose 1:13

betumañunwine ku matalwa a mufito, etutundulwila namu mbufumu bwa Mwana a kit’ulo kie.

Bikitshino 20:21

Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu.

Luka 15:7

Nenulungula’shi: Kusehela mwiilu akukekala anka biabia, ahelanga mulwishi umune mwishimba, kukile makumi kitema na kitema a bantu balulame, bashyabakyebe kwilanga.

Luka 13:5

Nenulungula’shi: ooo, anka su tanwilanga ’mashimba enu anwe boso anukalwila’nka hamune.

Luka 9:2

Bebatumine kulungula bufumu bw’Efile Mukulu, na kuhwisha basha masungu.

Mako 6:12

Na baba abakatukile, babalungwile bantu (mwanda w’Efile-Mukulu’shi): Nwilangei mashimb’enu.

Mako 1:4

Yoano bafikile babatshishia mu kabāka, na kulungula myanda ya kubatshishia kwa kwīlanga kw’eshimba’shi; Milwisho yabo yishimishibwe.

Mateo 5:10

Mwabi kwi’bo abamweshibwa malwa ha mwanda wa kululama kw’eshimba; mwanda bufumu bwa mwiilu mbwabo.

Mateo 5:3

Mwabi kwi balanda mwishimba, mwanda bufumu bwa mwiilu mbwabo.

Kibafumulwe 2:21

Namuhele kihindji kia kwilanga mwishimba ku lukyebanokyebano lwe anka e tamwilange.

Mateo 13:31

Ungi mwele belele kwabadi’shi: Bufumu bwa mwiilu mbuhwandjikile na lubio lwa mūtade lubātshile muntu, bakunyine mwifuba die.

Mateo 13:11

E bebālulwile’shi: Mwanda kwanudi ubahebwa kushingula yifībwe ya bufumu bw’Efile-Mukulu, anka kwibo kushī bahebwe.

Mateo 6:33

Anka kwibedi kimbai bufumu bw’Efile Mukulu, na kululama kw’eshimba kwe, na bino bintu bioso abikenutentekyelwa.

Kibafumulwe 2:5

Tentekyesha hobohono, welangye mwishimba, okite bikitshino bia kwibedi; su tokitshi nankafiki kodi, nankakatusha kitulo-ki’etala kiobe kumbalo y’akio, anka su’elanga mwishimba.

Bena Bahebelu 6:1

Binyibiabia tulekyei aya myanda ya hambangilo ya Kidisitu, tuyididile ku bia bukulu, kushī kubanga kibangilo kia kwalulukil’eshimba ku myanda yifwe, na ya lukuluhilo kw’Efile Mukulu,

Bikitshino 26:20

Anka nabadidile kulungula abo ba ku Ndamasaka, n’abo ba ku Yelusalema, n’aba mosomoso mu mpese ya Yudea, na kwi Badjentaila namu’shi: Belangye na kwaluluka kw’Efile Mukulu, bakite namu bikitshino bilombane kwilanga kwa mashimba.

Mateo 22:2

Bufumu bwa mwiilu mbuhwandjikile na nfumu kampanda, batekyele mwan’e bidibwa bia kubamba.

Mateo 25:1

Henyihaha Bufumu bwa mwiilu abukahwandjikile bakashi tumama ekumi, abātshile matāla’bo, abatukile mu kutundaisha mubambi.

Mateo 23:13

Anka mpombo kwanudi Bafundji-ba-Mikanda, na Bafadiseo, bansesa! mwanda anushitshila bantu ku Bufumu bwa mwiilu: mwanda tanutwele mwanka anwe bana bene, na baba abakyebe kutwela mwanka anwibaheleshā.

Mateo 20:1

Mwanda Bufumu bwa mwiilu mbwifwane na sha nshibo, batukile namashika ese mu kutula bafubi mwifuba die dia nfinyo.

Mateo 18:23

Binyibiabia Bufumu bwa mwiilu mbuhwandjikila na nfumu badi akyebe kulumbula na bahika be.

Mateo 11:20

Biabia, E babangile kusashila bibalo mubakitshinyinwe bikitshino bia bukome, mwanda tabelangye mu mashimba’bo.

Luka 21:31

Anka hamune anwe namu hanukamono yino myanda tayifiki, nwiukye’shi, hufumu bw’Efile Mukulu tabudi hehi.

Luka 16:30

E bakwile’shi: Ooo, Yaiya Abalahama, anka su umune afu ku bafwe biabia abakelanga.

Mateo 25:14

Mwanda (bufumu bwa mwiilu) mbuhwandjikile bu muntu ha luendo ku nsenga yi kula; baitanyine bahika be, bebahele bintu bie.

Mateo 13:24

Ungi mwele belele kwabadi’shi: Bufumu bwa mwiilu bubahwandjikile kwi muntu baminyine mbio yibuwa mwifuba die.

Mateo 4:23

Yesu batambukile luhese lwoso lwa Ngadilea, balambukishe mu bitumbwilo biabo, balungwile mukāndu wibuwa wa bufumu bwa mwiilu, bahashishe bihaso bioso bia masungu, na kubofula koso kwa mbidi kwa bantu.

Luka 1:16

Akālula bana ba Isalele be bungi kwi Yehowa Efile Mukulu abo.