Mateo 24:3 - KILOMBENO KIHYA KIA NFUMWETU YESU KIDISITU

³ Habadi mushale ha ngulu ya Olefeta, bana-be-ba-bukishi abafikile kwadi ku bufiefie’shi: Etulungule ahakafiki bino bintu? na kinyi akikekala kitundwilo kia kufika kobe, na kia kunfudilo kwa bahanohansenga?

Mateo 24:3 交叉參考

Bikitshino 1:7

E bebālulwile’shi: Akia, ta ’nkienu kushingula bihindji, sunga mieshi bibatule Yaiya ’matalwa e, ooo.

Mateo 24:37

Anka mubadi mwikele mafuku a Noa, anka biabia namu nyi a mukekala kufika kwa Mwan’a Muntu.

Mateo 13:49

Anka biabia abikekala kunfudilo kwa hanohansenga; bamwikeilu abakatuku, abakalamuna bebubi be munkatshi mwa balulame;

Luka 21:7

Abamwihwishe’shi: A Mulambukishi, anka bino bintu abikafiki kihindji kinyi? A nkinyi ankitundwilo kinyi akikekala kwanka ahakafiki yino myanda?

Mateo 21:1

Hababefubwile hehi na ku Yelusalema, na hakufika ku Betehaje, ku ngulu ya Olefeta, biabia Yesu batumine balondi be babidi,

Mateo 24:39

Tababadi beukye mpaa n’ahabafikile kiino kibebashimishe boso; Anka biabia namu nyi a bikekala ha kufika kwa Mwan’a Muntu.

Mateo 24:27

Mwanda bu luhenyo lwa mpeshi alufu ku kihindji akitunduka nguba, na kuhenya mpaa na kwa kuhona nguba, anka biabia namu nyi abikekala kufika kwa Mwan’a Muntu.

Bena Bahebelu 9:26

Su mbiabia ubadi n’ao ngwa kufwambuka misusa na misusa ku mbangilo ya hanohansenga, anka hano hanfudilo ha bihungilo, bamwekyelele anka mususa umunenka, mu kukasha milwisho ha kwilambula e na mwinyi bu kitahilo.

Mateo 28:20

Nwibalambukisha kulama bioso binenukamikile, biabia talangai, nyi n’enu mafukuoso mpaa na kunfudilo kwa hanohansenga. Amena.

Mateo 17:19

Henyihaha banaba-bukishi abafikile kwi Yesu ku luhese, eshi: A nkinyi kiatushībeukye kumutusha?

Mateo 24:43

Anka nwiukye kino’shi; su sha nshibo beukile kihindji akikafiki ngifi, badia kutala (biya), tabadia kukumina nshibo ye kutubulwa.

Mateo 15:12

Henyihaha bana be-ba-bukishi abafikile, abamwihwishe’shi: Twemwiuka’shi, Bafadiseo babadi abakokolwe habadi abehusha uno mwanda?

Mateo 13:36

Binyibiabia Yesu bebwesheshe kibumbu, batwelele mu nshibo; bana-be-ba-bukishi abafikile kwadi’shi: Etuhatulwile mwele wa Nkonongo ya mwifuba.

Mateo 16:27

Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie.

Mateo 16:28

Binyibinyi nenulungula’shi: Kwi ibamo bemane hano, tabakamono lufu, anka su abahu kumoma Mwan’a Muntu afiki mu Bufumu bwe.

Mateo 24:30

Henyihaha kitundwilo kia Mwan’a Muntu akikamweka mwiilu; biabia mīlo yoso ya hanohansenga ayikadidi; ayikamono Mwan’a Muntu afiki ’makumbi a mwiilu na bukome na ntumbo yikata.