Luk 7:19 - Nongan Hiyan

¹⁹ pe ipwandrisa hilu, hilya kili Yapan para kaya sok yiy, kapa, “Wou ndramat mepo Ngindrai kintandrangan para kisa ara, ndre yowu koro sohoni hamou hira ndron i?”

Luk 7:19 交叉參考

Genesis 22:18

Pe yihu ndraye ndramat masih para kol pwan andre kutoholi hu kiyau kili ndrayem hu, paratesah, wou ahalingi yo.’”

Genesis 3:15

Pe andre kuiki hingas kiho mwalingam pe mwalinga pihin, pe mwalinga ndrayem hu pe mwalinga ndrayen hu. Pe ndraye pihin hamou andre kiraluluwi payam, pe wou andre ayantani mbutikan.”

Genesis 49:10

Nes mepo irakinima pwoke ta king ara, ara kinlahi para kiya mawen kili Yutah pwi, pe yiy andre kiro king lang masih. Pe andre kiro kipoo kiya manne mbukena nes ara kisa. Pe hu ndramat para kol masih andre koro hilingi yiy opu.

Mak 6:7

Pwen iyoh hu Songui pe Lumou husa kili yiy, para kipwandrisa hu malmou-malmou. Pe iyki pwoke nopwaran iya kili hu, para hu payit mwomwan hu kahalingi nongnahu.

Luk 10:1

Iyamulan Yapan irakinima hu ndramat andrtingui pe lumou i, pe ipwandrisa hu malmou-malmou huho mu kili yiy huya kene hu kol ngawan pe hu kol hakol-hakol mepo andre kamulan kiya aliy.

Luk 11:1

Lang sih aro, Yesu iya kol hape pe iro tohun. Itohun ihipwen, iyamulan ndramiran hamou ipwai iya kili yiy, ipa, “Yapan, ahanuwani yowu kiya totohun tehe Yohanes kinhinuwani ndramiran hu kinna aliy.”

Luk 11:39

Pwen pe Yapan ipwai iya kili yiy, ipa, “Wawu Parisiy ara ngara wawu kasungani ngawan para pweniu pe para pirou, hapeko nondriya wawu ara ipep iya mwolou pe hu kultuw pwassin masih.

Luk 12:42

Pwen Yapan isomwiy, ipa, “Hiyeh ara pohon para mbulen, mepo maran pahalan pe lohongan waison? Namandran ata ndramat tehen tora, andre kiyki yiy para kiro nimnim kiyata hu ndramat para poya mbulen, pe para kiro hang hu anandrinai kiho mwonen paramwandrai para yukuya anandrinai.

Luk 13:15

Pe Yapan isomwi yiy, ipa, “Wawu ndramat para pwandrandraman! Wawu ngara katali hu mbulmwakau ndre hu tongkiy tawawu kiho nondriya lang Sapat, pe kasa mawen yumwahu, pe kaluwani hu kaya para kahang hu ndran, ndre pwi?

Luk 17:5

Pwen hu aposel hupwai iya kili Yapan, hupa, “Ambusi lohonga yowu ndrisiyon, ara kiya namandran!”

Luk 17:6

Pe Yapan isomwi hu, ipa, “Kapa lohongam ndrisiyon mendreheh pwen tehe peke mbuwa mastet sih, ara andre alahiy para apwai kiya kili kei namandran, para ngondron kiret pe kiyahasi yiy kiya ndras, pe andre kihilingi wou.

Luk 18:6

Pe Yapan ipwai, ipa, “Akahalingi nongan mepo ndramat kinho tamwaniye hiyan pwi ara, kinpwai.

Luk 19:8

Hapeko Sakiyus itine pe ipwai iya kili Yapan, ipa, “Yapan! Animei na! Yo mahapo andre kutaingani hu memelit to haroh mwaniye kiya kili hu ndramat mepo menmenahu pwi, pe kapa kunpwasike hamou pe kunpahanowe hu meltan, ara andre kupo soiwin kiya maporohaasap.”

Luk 22:61

Pwen Yapan ipaiwani yiy pe maran itis iya mwonen iya kili Pita. Pwen Pita ilohongani sehe nongan mepo Yapan kinpwai pwen kinna kili yiy, kinpa toro: “Kiro lang nepo, pe tutut kinrang mapu, ara wou andre apwai tehe akowu to maporotisap.”

Luk 24:34

pe hupwai iya kili hilu, hupa, “Ara ndrokonan! Yapan ara kinsatine paiwe, pe kinnarayah kinna kili Simon.”

Luk 7:13

Iro mwonen Yapan inime pihinau ara, koyun iti yiy, pe ipwai iya kili yiy, ipa, “Mbuna arang.”

Luk 7:20

Pwen hilu ndramat ara hilsa kili Yesu, pe hilpa, “Yohanes Ndramat para Paptais, ipwandrisa youlu para kasa kili wou para kasok wou tehe toro: ‘Wou ara ndramat mepo Ngindrai kinpwatisingiy para andre kisa ara, ndre yowu koro sohoni hamou hira ndron i?’ ”