Luk 6:21 - Nongan Hiyan

²¹ Pe wawu mepo wawu tora mundrui mahapo, ara lomwes ita kili wawu, paratesah, wawu andre kahamosu wawu. Pe wawu hiyeh mahapo wawu tora rang, ara lomwes ita kili wawu, paratesah, wawu andre kahai.

Luk 6:21 交叉參考

Genesis 17:17

Apraham itukuruhu pe payan iya iye ndrita pwan pe ilohonganiy pe ihai, pe ipa, “Sehe ndramat ndrokonan mepo hayou tan kinna masangat pwen pe andre kipo mbunah? Sarah, hayou tan andrsongui, ita ilahi para kimwalahiy kiyata hamou mbunah?”

Genesis 21:6

Sarah ipa, “Ngindrai iyki pwesai pe haisai iripo kili yo. Pwen kapa hiyeh kihilingiy, andre kipwes kisasura yo.”

Mattiu 5:4

Lomwes ita kili hu mepo hutora tang iya payandriyang, paratesah, Ngindrai andre kirambumbuni hu.

Mattiu 5:6

Lomwes ita kili hu mepo hu mundrui pe koyu hu isapak iya kultuw imwonen, paratesah, andre Ngindrai kimbusiy pe hu kahamosuhu.

Luk 1:53

Pe hu ndramat mepo hu mundrui, ara iyki hu melit hiyan iya kili hu, pe isihi hu. Hapeko irasses hu ndramat mameltahu soyon iya, ara huyau o mwaihei.

Luk 6:20

Pe Yesu maran iya kili ndramiran hu, pe ipa, “Wawu ndramat mepo menmena wawu pwi, ara lomwes ita kili wawu, paratesah, kolo King Ngindrai ara ata wawu.

Luk 6:22

Pe wawu mepo wawu topo kili Noru Ndramat, ara kiho nondriya hu lang para hu ndramat kamwisnani wawu, pe karasses wawu, pe kapwasimiri wawu, pe welehu kaya mai ta wawu tehe ngala wawu kiya pwalngengei, ara lomwes ita kili wawu.

Luk 6:25

Pe wawu hiyeh mahapo wawu tora wiri anandrinai hiyan, ara toimwa wawu; nopwaran ita ndrita wawu, paratesah, kamulan andre wawu kamundrui. Pe wawu hiyeh tora hai mahapo, ara toimwa wawu; nopwaran ita ndrita wawu, paratesah, andre wawu karang pe ndruimara wawu kilon.