Luk 4:40 - Nongan Hiyan

⁴⁰ Iro mwonen paramwandrai nakiya lai, pwen hu ndramat huwiri hu mepo mwamwa handra-handra iro kili hu, ara husa kili Yesu. Pe iyki niman iya ndrita hamou-hamou tahu, pe isopwoyani hu pe hungoh.

Luk 4:40 交叉參考

Mattiu 11:5

Yihu mepo marahu iyoh, ara hunimnim. Pe yihu mepo ndrikahu mwomwan, ara hu topo rokai. Pe yihu mepo mwamwa kawa iro kili hu, ara huya howen. Pe yihu mepo ndraingahu iyui, ara ndraingahu ileu. Pe yihu mepo humat, ara hutine paiwe. Pe yihu mepo hundroisiy, ara huhulingi nongan hiyan.

Mattiu 14:13

Pe iro mwonen Yesu ihilong tesah kintayah kili Yohanes, pwen itali kol ara, pe ihis ndroi nokule ko, pe iyau iya kol hape lohowayin. Pe hu ndramat soyon iya huhulong, pe hutali hu kol ngawan pe hurukai huho ndruwan.

Mak 3:10

Paratesah, Yesu isopwoyani hu ndramat soyon iya, hu kanna hiyan, pwen pe hu ndramat humwa iya mwamwa handra-handra, ara huro rasisinge hu huropo huya para nimahu kahatek katan.

Mak 5:23

Pe irakekeyani yiy, ipa, “Noru pihindrahin, ara imwa kinna mwomwan masih, pe pakeh nakimat. Asa pe aiki nimam kiya kili yiy pe asopwoyani yiy pe andre kingoh pe kiro mwalen.”

Mak 6:5

Pwen pe kinlahiy para kimbusi hu ndraikiya pwoke namandran kiro ariya pwi; hapeko iyki niman iya ndrita hu ndramat hayah humwa, pe isopwoyani hu hungoh.

Aposel 19:12

Pwen koyau hasai mendreheh pe hu koyau para mbulen mepo iro kili yiy, ara huwiriy iya kili hu ndramat humwa, pe mwamwa itali hu pe irapiyani hu payit huro ndritahu huyau.

Aposel 5:15

Pe ariya ko pwi, huro sap hu ndramat humwa husa ngawan pe humwaniyani hu huro ndrita hu yokyok pe hu sou huye sai. Pe hupa ndre sumwoiwa Pita andre kihis kiya ndrita hu hayah tahu kiro mwonen kisayau, pe andre hu karayah hiyan.