Luk 3:22 - Nongan Hiyan

²² pe Mwoiwan Haiyan isa pwan mwensen tehe nombuwe pai hamou, pe iya ndrita Yesu. Pe ngasa mbulukoyu hamou iyau kol paingan yang isa, ara ipa, “Wou ara Noru, pe ndriyo imbuluhi wou. Yo upwes satam namandran iya.”

Luk 3:22 交叉參考

Mattiu 12:18

“Iye ara ndramat para poya mbulyo mepo kuntakiniman. Yiy hiyeh ndriyo imbuluhi yiy pe upwes iyatan; pe andre kuiki Mwoiwo kiya ndritan, pe andre kipohowe nongan para tamwaniye kultuw imwonen, kiya kili hu ndraye ndramat masih.

Mattiu 17:5

Pe iro wong manau pe kokom hasai nganan iya, ara isa pe iramburuhi hu. Pe yoholai sahin iyau kokom, ipa, “Iye ara Noru mepo ndriyo imbuluhi yiy; pe yo upwes iyatan namandran iya. Akahalingi yiy!”

Mattiu 27:43

Lohongan ipwotisingi Ngindrai, pwen mahapo Ngindrai kisopwat yiy, kapa kinamili yiy. Paratesah, kinpwai, kinpa, ‘Yo Noru Ngindrai.’ ”

Mattiu 3:13

Iro mwonen lang ara, Yesu iyau Kaliliy pe iyarayah iya Ndran Yortan, para Yohanes kisumuluwani yiy.

Mattiu 3:16

Pe kinsumuluwani Yesu kinna ndran, pwen isa paingan, pe hape pwi ko, kol paingan yang, ara ite, pe inime Mwoiwa Ngindrai isa pwan mwensen tehe nombuwe pai hamou, pe iya ndrita Yesu.

Mattiu 3:17

Pe ngasa mbulukoyu hamou iyau kol paingan yang isa, ipa, “Aro, ara Noru mepo ndriyo imbuluhi yiy. Yo upwesani yiy namandran iya.”

Mak 1:11

Pwen ngasa mbulukoyu hamou iyau kol paingan yang isa, pe ipa, “Wou ara Noru, pe ndriyo imbuluhi wou. Yo upwes satam namandran iya.”

Mak 1:9

Lang sih aro, Yesu ipwen te Nasaret, kol hakol ita nondriya kol namandran hape Kaliliy, pe isa kili Yohanes. Pwen Yohanes isumuluwani Yesu iya Ndran Yortan.

Mak 9:7

Pwen kokom isa pe iramburuhi hu, pe yoholai sahin iyau nondriya kokom, ipa, “Iye, ara noru mepo ndriyo imbuluhi yiy. Wawu kahalingi yiy.”

Luk 2:14

“Kahari ngala Ngindrai iyera paingan masih, pe kiro kol pwan, ndriya wayis kiro mwalinga hu ndramat mepo namiliwai tan itapolo hu.”

Luk 4:21

Pe Yesu ipwai iya kili hu, ipa, “Mahapo nongan haiyan iye ara kintayah mannan kinsa tahilong tawawu.”

Aposel 10:38

Ngindrai irakinima Yesu para Nasaret iya pwoke ta Mwoiwan Haiyan, pe iropo iya kol hakol-hakol, pe iro mbusi hiyan pe iro mwaniyani hu masih mepo huro pahandra pwoke ta Sinai. Paratesah, Ngindrai, ara iro sura yiy.