Luk 22:70 - Nongan Hiyan

⁷⁰ Pe yihu masih husike yiy, hupa, “Pwen pe wou ara Noru Ngindrai, ndre?” Pe isomwi hu, ipa, “Wawu pwai imwonen, tehe ara yo.”

Luk 22:70 交叉參考

Luk 23:3

Pwen pe Pailat isok Yesu, ipa, “Wou king tahu Yutah, ndre?” Pe Yesu isomwiy, ipa, “Tehe anpwai ara.”

Mak 15:2

Pe Pailat isok Yesu, ipa, “Wou king tahu Yutah, ndre?” Pe Yesu isomwiy, ipa, “Tehe anpwai ara.”

Mattiu 27:11

Pe Yesu iro tine mbulmara Pailat, pe Pailat isok yiy, ipa, “Wou king tahu Yutah, ndre?” Pe Yesu isomwiy, ipa, “Tehe anpwai ara.”

Mattiu 26:64

Pe Yesu isomwi yiy, ipa, “Tehe anpwai ara. Hapeko upwai isa kili wawu masih kene toro: Lang itapo isa kamulan, wawu andre kanime Noru Ndramat kirompwan kiyapwen te nima Ngindrai mot, mepo yiy Pwokeyan Masih, pe andre kisa kiho ndrita hu kokom para yang.”

Luk 4:41

Pe hu payit husa mawen kili hu ndramat soyon iya, pe hu payit huro wayeh, huro pa, “Wou ara Noru Ngindrai!” Hapeko ipomate hu, pe isiyi pohohu para hu mbuna kawong, paratesah, tanahu tehe yiy ara Kristus.

Mak 14:62

Pe Yesu isomwi yiy, ipa, “Yo ara; yo kopu. Pwen kamulan andre wawu kanime Noru Ndramat kimpwan kiyapwen te nima Ngindrai mot, mepo yiy Pwokeyan Masih. Pe andre akanime yiy kisa kiyapolo kokom para yang.”

Mattiu 27:54

Pe iro mwonen ndram mepo ihohin tahu ndram masangat, pe hu mepo huro memerani Yesu, ara hunime nunuw, pe hu melit masih kantayah, pwen hunoh turuwehu, pe hupa, “Ndrokonan masih, yiy Noru Ngindrai!”

Mattiu 27:43

Lohongan ipwotisingi Ngindrai, pwen mahapo Ngindrai kisopwat yiy, kapa kinamili yiy. Paratesah, kinpwai, kinpa, ‘Yo Noru Ngindrai.’ ”

Mattiu 4:3

Pe ndramat para nohonou yiy ara isa kili yiy, pe ipa, “Kapa wou Noru Ngindrai ndrokonan, apwandrandrahani hu pat aro, pe kapaiwani hu para karayah ndrinanohun.”

Mattiu 3:17

Pe ngasa mbulukoyu hamou iyau kol paingan yang isa, ipa, “Aro, ara Noru mepo ndriyo imbuluhi yiy. Yo upwesani yiy namandran iya.”

Mattiu 26:25

Pwen Yutas, ndramat mepo nakiratuni Yesu ara, ara ipa, “Ndramat para Hinonou, andre yo, ndre?” Pe Yesu isomwi yiy, ipa, “Tehe anpwai ara.”

Luk 22:71

Pwen hupa, “Mbuna tukayoh hu ndramat hu kasa, para hu koro tiyani tiyeyahu manau. Konan. Worou kanhilingiy pwen kinyau pohon imwonen.”