Luk 15:7 - Nongan Hiyan

⁷ Yo upwai isa kili wawu, tehen aliy o, pwesai namandran iya andre kiro kol paingan yang, kapa ndramat hamou mepo pakut tan mwomwan kirapaiwani ndriyan. Ara ndrokonan—yihu para kol paingan yang ngara hu kapwes kata hu ndramat hu mwonen androsongui pe androsomou, pe kinlahiy para hu karapaiwani ndriyahu pwi. Hapeko kapa ndramat hamou pakut tan mwomwan kirapaiwani ndriyan, ara pwesai para aliy iramwaitini pwesai masih.

Luk 15:7 交叉參考

Mattiu 18:13

Pe kapa kiya kahiy, yo upwai ndrokonan isa kili wawu, tehe hu androsongui pe androsomou, ara ipwesani hu ihomwak o, hapeko kapa sipsip mepo iyasongsin ara kimui, ara andre kipwes namandran iya.

Mattiu 3:8

Pe kapa akantapaiwani ndriya wawu ndrokonan, pwen kultuwayi wawu kipwaingani kaipisa wawu tehen aliy i.

Luk 15:10

Pwen pe upwai isa kili wawu, tehen tora ko, kapa ndramat hamou pakut tan mwomwan kirapaiwani ndriyan, andre pwesai namandran iya kirayah kiro mbulmara hu angelou ata Ngindrai.”

Luk 15:29

Hapeko isomwi taman, ipa, ‘Animei na! Hayou soyon iya kinna, ara urayah tehe ndramat para pwandrendres tam. Pe kunoho ndrihisani hape nongnam ngara apwatisingiy kisa kili yo, ara pwi. Hapeko anpo hamou noru meme mendreheh para ahang yo para kupwes kiyasura kowase hu, ara pwi.

Luk 15:32

Hapeko ndriya worou ara kiro hiyan pe tukapwes, paratesah, nalim aro, ara kinnamat, pe mahapo kinimui kinsa mwalen paiwe; iyasongsin, pe kankahi yiy.’ ”

Luk 15:6

Pwen kimui kiya wum, pe andre kiyoh kowasen hu kiyapolo hu ndramat para pakeh kili yiy, ara hu kasa wule, pe andre kipa, ‘Akapwes kiyasura yo; yo kunkahi sipsip to mepo isongsin ara!’

Luk 15:8

Pe kapa pihin hamou ma sombule silwa tan masongui pe hambut para aliy kiyos, pwen andre tapeh? Ara andre kitolmwani paisui sahin pe kipwasili seu pe kiten nokulaniy, kipoo kiya kahiy, ndre?

Luk 16:15

Pwen Yesu ipwai iya kili hu, ipa, “Wawu ndramat ariya ko mepo wawu pakasomwani wawu koro mbulmara hu ndramat, hapeko Ngindrai ara tanan ndriya wawu pwen. Tesah mepo haiyan iya mbulmara hu ndramat, ara melit mwomwan masih iya mbulmara Ngindrai.

Luk 5:32

Yo kunsa para kuyoh hu ndramat hu mwonen pwi, hapeko usa, ara para kuyoh hu ndramat mepo pakut tahu mwomwan, para hu karapaiwani ndriyahu.”