Luk 1:31 - Nongan Hiyan

³¹ Kamulan mapundriyam, pe andre amwalahiy kiyata mbunah kamai hamou, pe andre apohowe ngalan, ara Yesu.

Luk 1:31 交叉參考

Mattiu 1:21

Pe yiy andre kimwalahiy ta mbunah kamai hamou, pe andre apohowe ngalan kiya Yesu, paratesah, yiy andre kisopwat ndramiran hu para hu kasa mawen hu pakut mwomwan tahu.”

Mattiu 1:23

“Ahalingiy, pihindrahin hamou mepo kinna sura kamai mapu, ara andre kimwalahiy ta mbunah kamai hamou, pe andre kapohowe ngalan kiya Immanuwel.” Ndroiyi ngalan Immanuwel, ara ipa toro: “Ngindrai ara iripo sura tou.”

Mattiu 1:25

Hapeko Yosep, ara kinmatin kinna sura yiy pwi, ipoo imwalahiy ta norun kamai. Pe Yosep ipohowe ngalan, ara Yesu.

Luk 1:13

Hapeko angelou ipwai iya kili yiy, ipa, “Sekarayah, mbuna anoh; Ngindrai ara kinhilingi totohun tam pwen. Pe nambuyum Elisapet, ara andre kipo norum kamai hamou, pe andre apohowe ngalan Yohanes.

Luk 1:27

Pe angelou ara iyarayah iya kili pihindrahin hamou mepo kinnapolo kamai hamou mapu. Pe hu kansokomburani yiy para kiyesou kiya kili ndramat hamou ngalan Yosep; yiy ara iyau ndraye Tepit. Pe pihindrahin ara, ara ngalan Mariya.

Luk 2:21

Iro mwonen lang mandrolwoh para nakasondriti kapilon, hupohowe ngalan iya Yesu, ngalan mepo angelou kinpohowei pwen ma kintayah ndriya tinan mapu.

Luk 20:44

Pwen pe kapa Tepit iyoh yiy ‘Yapan,’ pwen tehen tapeh ilahiy para kiya norun?”