Genesis 49:22 - Nongan Hiyan

²² Yosep ara irayah hiyan iya tehe hakou kei hira ndran ndrikou sih. Mbuwan ara ngara kirayah soyon iya. Pe ndrandran ara husinot iya naiwen, iyah, pe iroh iramburuhi kou.

Genesis 49:22 交叉參考

Genesis 41:52

Iyamulan para norun kopwan isarayah pe Yosep ipa, “Ngindrai iyki noru hilu malmou, iro nondriya kol para nopwaran ato.” Pwen pe ipohowe ngala norun kopwan ara Eprayim.

Genesis 46:27

Pe iyapolo hilu mbunah kamai ta Yosep mepo tina hilu imwalahiy ta hilu iro Yisip, pwen ndromwoya tumbu Yakop hu masih huro Yisip ara manandrtingui (70) imwonen.

Genesis 48:1

Iyamulan hape hu nese ndrainga Yosep hupa, “Tamam ara imwa.” Pwen Yosep iwiri norun hilu malmou kamai ara, Manasseh hilu Eprayim, hilya sura yiy pe huya nime Yakop.

Genesis 48:15

Pwen iyki lomwes iya kili Yosep pe ipa, “O Ngindrai, tumbu Apraham pe tomo Yisak ara hilu ho pahandram o, pe yo uro pahandra pwokere tam tandrohonga nano imwalahiy sato ipoo isa mannen mahapo.

Genesis 48:16

Pe wou asarayah asa kili yo tehe hamou angelou, pe apwokarani yo iya sehe melit mwomwan mepo pakisarayah kili yo. Mahapo aiki lomwes tam kiya kili noru hilu aro, pe ambusi yowe noru hilu karayah soyon kiro kol pwan. Pe andre koyu hu ndramat andre kinmayit ngolo pe ngala Yisak pe Apraham pwi.”

Genesis 48:5

Mahapo norum malmou mepo hilsarayah iro Yisip makunsa mapu, ara andre hilu karayah tehe noru imwonen; Eprayim pe Manasseh ara hilu karayah tehe noru imwonen, mwensen tehe noru hilu Rupen pe Simeyon.

Genesis 49:23

Pe hu ndramat para pahun iya tapuiwe ara hupopahun iya kili yiy, pe humbusi mwomwan iya kili yiy.