Genesis 49:18 - Nongan Hiyan

¹⁸ YAPAN, yo urupo longe para wou asopwat yo.

Genesis 49:18 交叉參考

Genesis 49:17

Pe Tan ara tehe hamou mwat para ngilse sai, tehe hamou yawiy para pwaki sai mendreheh. Ngara kitani ngondro ndrika hu hos. Pe andre ndramira hos ara andre kipwang te ndruwan.

Mattiu 1:21

Pe yiy andre kimwalahiy ta mbunah kamai hamou, pe andre apohowe ngalan kiya Yesu, paratesah, yiy andre kisopwat ndramiran hu para hu kasa mawen hu pakut mwomwan tahu.”

Mak 15:43

Pwen Yosep para kol Arimateya isarayah. Yiy ara poh hamou hiyan tahu Yutah. Pe yiy ara hamou tahu hiyeh iro sohoni lenge King Ngindrai andre kisa. Pwen yiy ara ndriyan ipwokeyani yiy pe iya nime Pailat, pe isok yiy para kiwiri nombuwe Yesu.

Luk 1:30

Hapeko angelou ipwai iya kili yiy, ipa, “Mariya, mbuna anoh. Pahas ta Ngindrai ita kili wou.

Luk 2:25

Pwen ndramat hamou iye Yerusalem, ngalan, ara Simeyon. Yiy ara ndramat imwonen, pe ngara kiho ndruwa nongan para pwahanou masih ata Yapan. Yiy ara iro longe ndramat mepo Yapan kintakiniman para kisa pe kisopwat hu Yisrayel. Pe Mwoiwan Haiyan ara iro kili yiy.

Luk 2:30

Paratesah, moro ara kinnime sopwat tam pwen.

Luk 23:51

Pe yiy ara kinsomwi handra lohongai mepo hu pohon masih para kol hu kanmburiy, pe hu kultuw mepo hu kanmbusiy, ara pwi. Yiy para kol Arimateya nondriya kol namandran hape Yutiya. Pe yiy ara iro sohoni kultuwayi kolo King Ngindrai para kisarayah.