Genesis 27:27 - Nongan Hiyan

²⁷ Pe Yakop iya pakeh pe irahunghung iya kili yiy, pe Yisak ihingi koyau ta Esau iro sangi Yakop. Pwen pe Yisak iyki lomwes iyatan pe ipa toro: “Ngonoho melit hiyan ata noru, ara tehe ngonoho piyang YAPAN kintoholi pwen.

Genesis 27:27 交叉參考

Genesis 26:12

Pe Yisak ara ihisi piyang hambut pe iro mwonen hayou ara, anandrinai soyo-soyon iya isarayah iro pwan ara, paratesah, YAPAN itoholi yiy.

Genesis 27:15

Pwen Repekah iyawiri koyau hamou lahayan ata Esau iro seu, pe isuluyani Yakop iya aliy.

Genesis 27:26

Iyamulan taman ipwai iyatan ipa, “Noru, asa pakeh pe arahunghung kisa kili yo.”

Genesis 27:39

Pwen Yisak ipa toro iyatan, “Andre kolom ara kiro mawen pwan hiyan, pe nayak para ping kiyau paingan yang ara kinlahiy para kisa ndrita pingem pwi.

Genesis 48:10

Yisrayel ara kinna parangoloh pwen, pe maran tehe pakeh nakiyoh, pe kinlahiy para kinimnim hiyan pwi. Pwen pe Yosep iluwi norun hilu, hilsa pakeh kili taman pe Yakop indrohosi hilu pe irahunghung iya ta hilu.

Genesis 48:15

Pwen iyki lomwes iya kili Yosep pe ipa, “O Ngindrai, tumbu Apraham pe tomo Yisak ara hilu ho pahandram o, pe yo uro pahandra pwokere tam tandrohonga nano imwalahiy sato ipoo isa mannen mahapo.