Genesis 25:23 - Nongan Hiyan

²³ Pe YAPAN ipwai iyatan ipa, “Hilu ndramat malpat hiltora ndriyam. Pe hilu malpat ara, ara andre hilu konto wule pwi. Andre hu hapat kaya pwokeyahu katahu hapat. Pe yiy mepo nakisarayah mu andre kiya pwandrendres ta yiy para mulan.”

Genesis 25:23 交叉參考

Genesis 17:16

Yo andre kutoholi yiy, pe yiy andre kimwalahiy kiyata norum hamou kamai. Pe andre kutoholi Sarah, pe ndrayen hu andre kasarayah soyon iya, pe hu king hayah andre karayah kili ndrayen hu.”

Genesis 17:4

“Mahapo talu nakarapaniu, pe upwai ndrokonan tehe wou andre arayah tumbu hu ndraye ndramat soyon andre hu koro kene kol pwan.

Genesis 24:60

Pwen hutoholi Repekah pe hupwai toro iyatan: “Pisu, wou ara andre asarayah tinahu ndramat pusangat kiyau pusangat, pe ndrayem hu andre kasarayah ndramat para pahun kiyatahu ndram para pahun, pe andre hu kawiri hu kol namandran tahu ndram kiya mbukenan hu.”

Genesis 25:24

Pwen pe iro mwonen lang nakimwalahiy kiyata norun kamai malmou mwan,

Genesis 25:27

Hilu mbunah malmou kanna wihou pwen, pe Esau irayah ndramat hamou para kahaya yohou iya kene yangiy masih. Yakop ara mbunah hamou waison pe ngara kiye wum o.

Genesis 27:29

Andre hu ndramat para kol pwan masih andre hu karayah pwandrendres tam, pe andre hu katukuruhu kisa kili wou. Pe andre nalim hu pe ndraye tinam hu masih ara andre hu koro pahandram o. pe andre hu katukuruhu kisa kili wou. Kapa hiyeh kitten anam, andre Ngindrai kitten anan. Pe kapa hiyeh kitoholi wou ara andre Ngindrai kitoholi hu yi.”

Genesis 27:33

Yisak ara, sangin ilelen namandran iya, pe ipa, “Ara hiyeh ndrokonan mepo iwiri yohou pe isaikiy isa kili yo mamu? Yo uniy iroho pwen o, pe wou asarayah. Yo kuniyki lomwes to kinna kili yiy pwen, pe lomwes ara, ara atan masih.”

Genesis 27:37

Yisak ipwai iyatan ipa, “Yo kunbmusi yiy kintayah pohon ta walu kene. Pe yo kunbmusi yowem hu andre karayah pwandrendres tan, pe kuniyki wit pe wain soyon kinna tan. Nahapo apa ndre sehe melit ndrokonan iripo ndron para kuikiy kisa kili wou, Noru?”

Genesis 27:40

Wou andre apopahun kiya semela pahun niwen opu para apo anandrinam pe mipwan hiyan; pe wou andre aro pahandra nalim. Hapeko kamulan wou andre anto pahandra pwokere ta nalim pwi, pe kapa kiwong, andre anhilingi yiy pwi yi.”

Genesis 32:6

Pwen hu ndramat mepo Yakop ipwandrisa hu ara, humui huya kili yiy pe hupa, “Yowu ya kili nalim Esau, pe yiy mahapo ara itapo isa para kisa pohonani wou, iyasura hu ndramat mahaangat (400).”

Genesis 33:3

Pe yiy iye mu iya pe itukuruhu pe payan iya pwan ara maporoandrtoyoh, ipoo iya pakeh mbulmara nalin.

Genesis 36:31

Tandrohongan ara, hamou kintayah king tahu Yisrayel mapu, pe yihu ndramat iye ara husarayah king para kol namandran Etom.

Genesis 48:19

Hapeko taman mbuwalin, pe ipwai iyata Yosep ipa, “Pukene, Noru. Yo upahasani sehe melit uropo mbusiy. Upahasaniy. Pe yihu ndraye Manasseh ara, andre yihu ndramiran karayah soyon iya. Hapeko nalin mendreheh, Eprayim, ara andre kiramwaitini yiy, pe ndrayen hu andre kasarayah soyo-soyon iya pe andre hu kahon koro kol hakol-hakol.”