Genesis 24:35 - Nongan Hiyan

³⁵ YAPAN itoholi namandran to pe iyki meltan ara soyon iya. Ihingini yiy iya hu sipsip pe hu mbulmwakau, pe silwa pe kolt, hu ndramat para poya mbulyan kamai pe pihin, iyasura hu kamel pe tongkiy.

Genesis 24:35 交叉參考

Genesis 12:16

King inime Sarai ara lahayan iya, pe iwiri yiy iya nambuyun pe ipomene Apram iya hiyan; ihang Apram hu sipsip, hu meme, hu mbulmwakau, hu tongkiy kamai pe pihin, pe hu kamel, pe hu ndramat para mbulyan–kamai pe pihin.

Genesis 12:2

Yo andre kumbusiy, pe ndrayem hu andre karayah soyon iya, pe andre kutoholi wou pe andre kumbusi ngalam kiya namandran, pe wou andre arayah lomwes kiya kili hu ndramat.

Genesis 12:3

Yo andre kutoholi hiyeh kapa kitoholi wou, pe andre kuten ana hiyeh kapa kiten anam. Pe hu ndraye ndramat masih para kol pwan ara yo andre kutoholi hu kiyau hiyan atam.”

Genesis 13:2

Apram ara yiy ndramat hamou menmenan soyon iya; pe hu kan atan ara soyon, iyasura silwa pe kolt.

Genesis 24:1

Apraham ara kinna parangoloh pwen. Pe YAPAN kintoholi yiy kinna melit masih kene kinmbusiy.

Genesis 25:11

Hiltoni Apraham ihipwen, pwen Ngindrai itoholi Yisak. Yisak ara impwan ngilse ndran ndrikou iro kol Nekep, ngalan Peer-Lahai-Roi.

Genesis 25:5

Pe Apraham ara iyki meltan masih iya kili norun Yisak.

Genesis 30:43

Tehen tora ko Yakop ara irayah ndramat hamou namandran pe mangalan. Yiy imbusiy pe hu sipsip pe meme pe ndramiran para poya mbulyan, pe hu kamel iyapolo hu tongkiy tan ara husarayah huya soyon iya.

Genesis 49:25

Paratesah, Ngindrai ata tamam ara yiy pwokeyan iya pe ngara kisopwat wou. Pe yiy opu ngara kitoholi wou pe kiyki lomwes para paingan, pe lomwes para mbulu pwan, pe lomwes para hu kapo hu mbunah kaya soyon iya.

Mattiu 6:33

Hapeko wawu katele kolo king Ngindrai kimu, pe kiyasura kultuwayin imwonen, pwen hu melit masih kene aro, ara andre kihang wawu yi.

Luk 12:45

Hapeko, kapa ndramat para poho mbulen ara kipanguluwaniy kiyatan mbukenan, kipa, ‘Namandran to, ara ita mawen ndrangan niwen iya pe kinsa mapu,’ pe kapa kirandroyani hu kamai pe hu pihin para poya mbulen, pe kiro namnam pe kiro yin ndran tunguyan pe maran kimbui,