Aposel 9:17 - Nongan Hiyan

¹⁷ Pwen Ananiyas iya seu ara pe isong iya nondriyan. Pe iyki niman iya ndrita Sol pe ipwai iya kili yiy, ipa, “Sol, Nali, Yapan Yesu mepo kinsarayah kinsa kili wou oho sai, iro mwonen aropo asa iye, ara ipwandrisa yo usa, para wou andre animnim paiwe, pe andre apep kiya Mwoiwan Haiyan.”

Aposel 9:17 交叉參考

Genesis 45:4

Yosep ipwai iyatahu paiwe ipa, “Akasa pakeh kili yo.” Pwen huya pakeh kili yiy pe ipa, “Yo ara nali wawu, Yosep. Koluw wawuiki yo tehe kenna wawu pe husowani yo pe husaiki yo usa Yisip.

Mattiu 19:13

Pwen huwiri hu mbunah mendreheh huya kili Yesu para niman kiya ndrita hu, pe kitoholi hu. Hapeko ndramiran hu, ara hupomate hu mepo huwiri hu mbunah huya kili yiy.

Mak 5:23

Pe irakekeyani yiy, ipa, “Noru pihindrahin, ara imwa kinna mwomwan masih, pe pakeh nakimat. Asa pe aiki nimam kiya kili yiy pe asopwoyani yiy pe andre kingoh pe kiro mwalen.”

Mak 6:5

Pwen pe kinlahiy para kimbusi hu ndraikiya pwoke namandran kiro ariya pwi; hapeko iyki niman iya ndrita hu ndramat hayah humwa, pe isopwoyani hu hungoh.

Luk 1:41

Iro mwonen Elisapet ihilingi yohola Mariya, pwen mbunah iro ndriyan ara ilohori yiy. Pe Elisapet ara ipep iyata Mwoiwan Haiyan.

Luk 1:67

Pe Sekarayah, tama Yohanes, ara ipep iya Mwoiwan Haiyan, pe iwong tehe poropet hamou, ipa toro:

Luk 1:76

Pe noru, wou ara andre hu kapohowe wou poropet hamou ta Ngindrai Iyera Paingan Masih; pe wou andre oho mu kili Yapan, pe aramwaniyani meresayan.

Luk 15:30

Hapeko norum kamai mepo kinna solpwarani hu memelit tam masih, kinna kultuw para pilah ara isa, pwen mahapo atingundru noru mbulmwakau imuh iya anan!’

Luk 15:32

Hapeko ndriya worou ara kiro hiyan pe tukapwes, paratesah, nalim aro, ara kinnamat, pe mahapo kinimui kinsa mwalen paiwe; iyasongsin, pe kankahi yiy.’ ”

Luk 2:11

Lang nepo ita nondriya kol ngawan ta Tepit, pihin hamou kinmwalahiy kinna ta Ndramat Hamou Para Sopwat; yiy ara Yapan Kristus.

Aposel 10:36

Nongan mepo Ngindrai kiniykiy kinsa kili hu ndramat para Yisrayel, ara iye: Kinpohowe nongan hiyan para ndriya wayis iyau kili Yesu Kristus, mepo yiy Yapan torou masih.

Aposel 13:3

Iyamulan para huyuh anandrinai pe hutohun ihipwen, pwen huiki nimahu iya ndrita hilu pe hupwandrisa hilu hilyau.

Aposel 13:52

Hapeko pwesai pe Mwoiwan Haiyan, ara ipep iro kili hu ndramira Yapan huro Antiyok.

Aposel 19:6

Pe Pol iyki niman iya ndritahu ko, pwen o Mwoiwan Haiyan isa ndritahu. Pe huwong iya hu nongna kol handra-handra pe hutiyani nongan tehe hu poropet.

Aposel 2:4

Hu masih kene, ara Mwoiwan Haiyan iya nondriyahu, pe hupep topwei. Pe Mwoiwan Haiyan iyki nongan iya kili hu, pe huwong iya hu nongna kol handra-handra.

Aposel 21:20

Iro mwonen huhulingiy, pwen huhuri ngala Ngindrai. Pwen hupwai iya kili Pol, hupa, “Nali, animei, yihu Yutah tasopou-tasopou ara hu kanpwotisingi lohongahu. Pe hu masih ara kantahatini lohongahu kinna nongan para pwahanou ta Mose.

Aposel 26:15

Pwen usok, upa, ‘Yapan, wou hiyeh?’ Pe ipwai isa kili yo, ipa, ‘Yo ara Yesu mepo ata tandroyani yo.

Aposel 4:31

Yihu tohun ihipwen opu, pe kol hape mepo hurakomwe hu huro aliy, ara inunuw. Pe Mwoiwan Haiyan isa pe isongorani hu masih pe hupep, pe irahatini hu para hu kapohowe nongna Ngindrai.

Aposel 6:6

Pwen huwiri hu manandrtimou ara, huya mbulmara hu aposel, pe hu aposel ara huiki nimahu iya ndritahu pe hutoholi hu.

Aposel 8:17

Pwen pe Pita hilu Yohanes ara hiluiki nima hilu iya ndritahu, pe yihu wiri Mwoiwan Haiyan.

Aposel 9:18

Hape pwi ko, melit handra tehe pwisi ni, ara iho mara Sol pe iyos isa pwan, pe ilahiy para kinimnim paiwe. Pwen Sol itine pe iwiri paptais.

Pilemon 1:16

Pe mbuna alohonganiy tehe yiy ndramat hamou para pwandrendres o mwaihei, ara pwi. Hapeko yiy andre kiramwaitini ndramat para pwandrendres, pe kirayah tehe nalim mepo ndriyam imbuluhi yiy. Ndriyo ara imbuluhi yiy namandran iya, hapeko ndriyam andre kimbuluhi yiy kihohin kili yo, tehe ndramat hamou para pwandrendres, pe tehe nalim hamou nondriya Yapan kene.