Aposel 7:35 - Nongan Hiyan

³⁵ Mose aro ko, ara yiy ndramat mepo mamu hu kandrihisani nongnan, hupa toro: ‘Hiyeh ndrokonan ipwai pe wou aparayah namandran hamou, pe ndramat para tamwaniye?’ Ngindrai mbukenan ipwandrisa yiy iya, para kirayah ndramat namandran pe ndramira konuh. Pe lohongai aro iyau kili angelou mepo iyarayah iya kili yiy iro pweye kei mendreheh.

Aposel 7:35 交叉參考

Mak 12:26

Hapeko iya lohonge para kamat pe katine, wawu kannime nongan mepo Mose kinratuluwiy pwi, ndre? Akalohongani titiye para kei hakou mwan iyat aliy, ara Ngindrai ipwai iya kili Mose, ipa, ‘Yo urupo Ngindrai ta Apraham, pe urupo Ngindrai ta Yisak, pe urupo Ngindrai ta Yakop.’

Luk 19:14

Hapeko yihu ndramat para kolon imwonen, ara humwisnani yiy. Pwen hupwanos hu ndramat hayah para sapiya nongan huro ndruwan huya, pe huya pa, ‘Yowu mbuwali yowu para ndramat aro kirayah king towu.’

Aposel 2:36

Tehen tora ko, wawu payumwa wum masih kene para Yisrayel, akapahasaniy hiyan tehe Yesu mepo wawu rayi yiy imat iho kei tondrih, ara Ngindrai kintakiniman pe kintayah Yapan pe Kristus kene.”

Aposel 3:22

Tehe Mose kinpwai, kinpa, ‘Yapan Ngindrai andre kirakinima hamou ita mwalinga yowe wawu hu imwonen, para kirayah poropet tehe yo. Pe wawu kahalingi nongan masih nakipwai kisa kili wawu.

Aposel 5:31

Ndramat ara, Ngindrai kinwiri yiy kinna paingan pe itampwan niman mot. Yiy ara tehe Noru King, pe Ndramat Para Kisopwat hu ndramat. Pwen pe ita rasaya worou Yisrayel para karapaiwani ndriyarou, pe andre kitali hu pakut mwomwan torou.

Aposel 7:30

Iyamulan para hayou mahaangui isayau ihipwen, pwen angelou hamou ara iyarayah iya kili Mose, iya kol ndrohoyin pakeh Pahayi Sainai. Pe angelou ara isarayah iho nondriya mwan iro yat pweye kei hakou mendreheh.

Aposel 7:51

Lohonga wawu pe ndriya wawu kinndrap, tehe hu ndramat hukowu ta Yapan, pe ndrainga wawu ara wassan! Wawu ngara kasingori Mwoiwan Haiyan lang masih kene, tehe tumbu wawu hu ngara kambusiy koluw kinna.