Aposel 21:14 - Nongan Hiyan

¹⁴ Yowu wong iya kili yiy pe kinhilingi yowu pwi, pwen yowu mun o yowu ro, pe yowu pa, “Hiyan, namiliwa Yapan kirayah.”

Aposel 21:14 交叉參考

Genesis 43:14

Pe Ngindrai Pwokeyan Masih kiyki koisirai kiya ndriya ndramat ara, para kitali nali wawu kiyapolo Penyamin hilu kamui kasa sura wawu. Pe kapa noruhu masih katali yo, hiyan, hu katali yo.”

Mattiu 26:39

Pe iya hangoh hape mendreheh, pe iyos te kombuyen iya pwan pe itohun, ipa, “O Tomo, kapa ilahiy, pwen awiri pweniu iripo kili yo aro kiya mawen. Hapeko mbuna kiho ndruwa namiliwo, konan; oho ndruwa namiliwam.”

Mattiu 26:42

Pwen iya mawen poroluwoh i, pe itohun, ipa toro: “O Tomo, kapa kinlahiy para awiri pweniu iripo kili yo aro kinna mawen pwi, andre kipoo kuimwiy, hiyan, oho ndruwa namiliwam.”

Mattiu 6:10

Yowu tohun tehe kultuwayi kolo king tam kisa yelan, pe namiliwam kirayah mannan kiro kol pwan, kihisoule ko tehe ita kol paingan yang.

Luk 11:2

Pwen ipwai iya kili hu, ipa, “Kapa wawu nakatohun, ara wawu kapa: ‘Tomo, ngalam ara haiyan. Kultuwayi kolo king tam kisa.

Luk 22:42

“O Tomo, kapa anamiliy, pwen awiri pweniu iripo kili yo aro kiya mawen. Hapeko mbuna oho ndruwa namiliwo; konan. Namiliwam opu kirayah.”