Aposel 10:38 - Nongan Hiyan

³⁸ Ngindrai irakinima Yesu para Nasaret iya pwoke ta Mwoiwan Haiyan, pe iropo iya kol hakol-hakol, pe iro mbusi hiyan pe iro mwaniyani hu masih mepo huro pahandra pwoke ta Sinai. Paratesah, Ngindrai, ara iro sura yiy.

Aposel 10:38 交叉參考

Mattiu 12:15

Yesu isapahas iya tesah hu Parisiy hu pakambusiy kiya kili yiy, pwen itali kol ara, pe iyau. Pe hu ndramat soyon iya huho ndruwan, pe isopwoyani hu ndramat masih, mepo mwamwa iro kili hu pe hungoh.

Mattiu 12:28

Hapeko kapa kurasses hu payit, kiyau pwoke ta Mwoiwa Ngindrai, pwen pwoke para kolo King Ngindrai, ara kinsa kili wawu pwen.

Mattiu 9:19

Pwen Yesu itine pe iho ndruwan iya, pe ndramiran hu tehen aliy i.

Mattiu 9:35

Pe Yesu, ara iya yau hu kol ngawan pe hu kol mendreheh masih, pe iro hinuwani hu ndramat iro nondriya hu yumwa totohun tahu, pe iro pohowe nongan hiyan para kolo king Ngindrai. Pe isopwoyani hu neken handra-handra pe hu mwamwa handra-handra.

Mak 6:6

Pe ilohonge soyon tehe hu ndramat kanpwotisingi lohongahu pwi. Pwen Yesu irakayani hu kol mendreheh hakol iya hakol pe iro hinuwani nongan.

Luk 3:22

pe Mwoiwan Haiyan isa pwan mwensen tehe nombuwe pai hamou, pe iya ndrita Yesu. Pe ngasa mbulukoyu hamou iyau kol paingan yang isa, ara ipa, “Wou ara Noru, pe ndriyo imbuluhi wou. Yo upwes satam namandran iya.”

Luk 4:18

“Mwoiwa Yapan ara iripo ndrito, paratesah, kintakinimo pwen para kupohowe nongan hiyan kiya kili hu mepo hundroisiy. Yiy ipwandrisa yo usa, para kupwahara nongan kiya kili hu ndramat hu tora nondriya kou, para hu kasa ngawan, pe hu ndramat marahu iyoh ara hu kanimnim paiwe, pe hu hiyeh hutora nondriya nopwaran ara hu koro mwoimwoi.

Luk 9:42

Pe iro mwonen mbunah ara, iro tokai manau iya kili Yesu, payit ara, ipiyani yiy iya ndrita pwan, pe ileleyani yiy. Hapeko Yesu ipomate payit ara, pe isopwoyani wihou ara, pe iyki yiy imui iya kili taman.

Luk 9:56

Pwen huyau huya kol hakol mendreheh i.

Aposel 10:37

Wawu kanpahasani sehe melit kintayah iro Yutiya masih. Irayah imu iro Kaliliy, iyamulan para Yohanes ipohowe nongan para paptais.

Aposel 2:22

Wawu ndramira Yisrayel, akahalingi nongan aro; Yesu, ndramira Nasaret, ara Ngindrai ipwandrisa yiy isa pwan mwalinga wawu. Pe Ngindrai imbusi hu ndraikiya pwoke, hu kinima pwoke, pe hu kaipisa pwoke, ara iro ndruwa Yesu. Wawu mbukena wawu kanpahasaniy pwen.