Yohane 4:47 - Sura Malelaha

⁴⁷ Kanahadina tauna iti Yesu mesulemi mai i Galilea hangko i Yudea, laomi tauna iti i boea Kana mampohidupaa Yesu, nauliangaa, “Tua, ane peisa, laoke i Kapernaum, bona Nupakaohaa wongkoia anangku, lawi ina matemi.”

Yohane 4:47 交叉參考

Matiu 2:1

I tempona Datu Herode moparenta, Yesu rapoanaka i boea Beteleme i tampo Yudea. I tempo iti, arahe bahangkia tauna au hawe i Yerusale hangko i tamponda au karao ntanda i Mata alo. To Mata alo iti mapandehe mampeita tanda i betue.

Markus 10:47

Kanahadina Bartimeus Yesu to Nasare au moliu, meraroami, nauli, “Yesu pemuleana Datu Daudi! Pokaahi wongkoia!”

Lukasi 8:41

Mai worimi hadua tadulako sou penombaa i boea iti, hangana Yairus. Kamoitana Yesu, molingkudumi i lindoNa merapi bona Yesu lao i souna,

Yohane 11:21

Nauli Marta i Yesu, “Pue, ane keindeKo i kamahaina adingku, kebara mate.

Yohane 11:32

Hawemi Maria i pengkarooangaana Yesu inona, moitami Yesu hai laomi molingkudu i lindoNa, nauliangaa, “Pue, ane keindeKo i tempo iti, adingku kebara ina mate.”

Yohane 4:3

Kanaisana Yesu apa au rahadi toParisi iti, padumi hangko i tampo Yudea mesule lao i tampo Galilea.

Yohane 4:54

Itimi tanda kuasa karompakana au nababehi Yesu i Galilea i kahaweNa hangko i Yudea.

Suro 9:38

Lawi wanua Yope bara karao hangko i wanua Lida, ido hai topepoinalai i Yope mohadihe kaarana Peturu i wanua Lida. Ratudumi rodua tauna lao i Peturu merapi bona hoholiga mai i Yope.