Yohane 18:8 - Sura Malelaha

⁸ Nauli Yesu, “Kuulimi inona, Ikomi dide. Mewali, ane Iko au nihaoki, nipogiangaahe ide rangaNgku padu.”

Yohane 18:8 交叉參考

Matiu 26:56

Agaiana ope-ope ide hangangaa mewali bona tepabukei apa au rauki nabi hangkoia i lalu Sura Malelaha.” Roo indo, melangkamohe ope-ope topeguruNa mopalehi Ia.

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Yohane 13:1

Hangalo hangko damani hawe Alo Posusa Pasa, naisami Yesu kaina hawenami tempoNa mopalehi dunia hai mesule i UmaNa. Ia mampokaahihe ope-ope tauna au meula Iria, hai batena Napokaahihe duuna i kahopoana.

Yohane 13:36

Simo Peturu mekune i Yesu nauli, “Pue, ina laoKo iumba?” Nahanai Yesu nauli, “I kalaoaNgku, bara maniko peisa lao. I alo au ina mai, hangko peisaNa nuula.”

Yohane 16:32

Nikatuinao! Ina hawe tempona hai katouana hawemi tempo iti, ina nipalehina melangkakau hadua-hadua lao i soumi. Katouana bara haduduaNgku, lawi naporangaiNa UmaNgku.

Yohane 18:7

Napekune mbuli Yesu, “Hema nihaoki?” Rauli, “Yesu to Nasare.”

Yohane 18:9

(Nauli nodo bona tepabukeimi apa au Nauli i lalu pekakaeNa inona, “Hangko i ope-ope tauna au NuweimoNa, bara ara hadua au matanta.”)

1 Korintu 10:13

Hinangka pekelo au morumpake, pekelo biasa pea au ralambi wori tauna ntanina. Agaiana Pue Ala mokatuinao liliu dandiNa irikita; barake ina Napogiangaa rakelo meliu hangko i rohona lalunta. Ane narumpake pekelo, Pue Ala ina moweike rara monangi pekelo iti bona peisake mantaha i lalu pepoinalainta.

2 Korintu 12:9

Agaiana Nahanaina: “Bara Kuingihi, agaiana ina Kutulungiko hangko i kabulana laluNgku, iti handami. Lawi hangko i kamaledemu, kuasaNgku ina Kupatongawa i lalu katuwomu.” Ido hai matanana mampomahile kamaledengku, lawi i tempoku malede, Kerisitu mopakaroho watangku hai kuasaNa.

Epesu 5:25

Hai ikamu tobalilo, hangangaa nipokakaiahe towawinemi moula pandirina Kerisitu au mampokakaia jumaa; ido hai mokirami wataNa rapapate mohuru dosanta.

1 Peturu 5:7

Nipaisare ope-ope kalangami Iria, lawi Ia au mokadipurakau.