Yohane 17:11 - Sura Malelaha

¹¹ Ina mesulemoNa Irio Uma, barapoNa mahae i dunia ide. Agaiana topeulaNgkuhe ide, i dunia manihe. O UmaNgku au malelaha, Kuperapi Nukampaihe hai kuasana hangaMu au NuweimoNa. Nukadipuramohe bona hampepekiri peahe, nodo Oio hai Iko hampepekiriKe.

Yohane 17:11 交叉參考

Matiu 10:16

“Maroa-roakau, lawi Kutudukau lao i tauna au kadake. Ikamu ina nodo dimba i olonda serigala. Hangangaa mapande-pandekau nodo ile, agaiana hangangaa nipamaalusu wori poantimi nodo tadasi manggebodo.

Matiu 5:48

Kamaahina Umami i suruga, bara ara kamakurana. Mewali, iti wori au hangangaa nibabehi.”

Matiu 6:9

Mewali, mekakaemokau node: Umangki au ara indora i suruga, Kipomahile hangaMu au malelaha.

Yohane 13:1

Hangalo hangko damani hawe Alo Posusa Pasa, naisami Yesu kaina hawenami tempoNa mopalehi dunia hai mesule i UmaNa. Ia mampokaahihe ope-ope tauna au meula Iria, hai batena Napokaahihe duuna i kahopoana.

Yohane 13:3

Agaiana naisa Yesu kanaweiNami UmaNa ope-ope kuasa. Naisa wori Ia hangko i Pue Ala, hai ina mesule hule i Pue Ala.

Yohane 14:20

Ane hawe tempo iti, ina niisa Iko mohintuwuNa hai UmaNgku, hai ikamu mohintuwukau hai Iko, nodo wori Iko mohintuwu hai ikamu.

Yohane 16:28

MeangkaNa hangko i UmaNgku maiNa i dunia ide. Ide-ide, ina Kupalehimi dunia ide, hai mesuleNa i UmaNgku.”

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Yohane 17:23

Iko mohintuwu hai ihira, hai Oio mohintuwu hai Iko bona ihira ina mewali mpuuhe hampepekiri. Ane nodo, ope-ope tauna ina moisa kaOiona au motuduna hai kaNupokaahinda tauna au mepoinalai Iriko nodo kaNupokaahiNgku.

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Yohane 17:6

Uma, tauna au NuweimoNa hangko i dunia ide, Kupopaisaamohe kahemaMu. Mewalimohe KiraMu; Nuhuhuhe Iriko bona Kukadipurahe, hai mampeulaimohe NgkoraMu.

Yohane 7:33

I tempo iti, Yesu tangana mololita i tauna bosa, Nauli, “BarapoNa mahae hihimbela hai ikamu, ina mesuleNa lao Iria au motuduNa.

Suro 3:21

Ide-ide, Yesu maida i suruga, hai batena ara liliu indora duuna hawe tempona Pue Ala mopawou hinangkana, nodo au rapahawe nabiNa au malelaha hangkoia.

Roma 12:5

Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

Roma 9:17

Nikatuinao wori lolitana Pue Ala i Pirao, datunda to Masiri hangkoia, au manguli, “Kupopewaliko datu agaiana hampaka pea tunggaiaKu iami bona hangko i pesapuakamu, Kupatongawa kuasaNgku, alana hangaNgku rapomahile i humalele dunia.”

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

Galatia 3:28

Pue Ala bara mampopontani tauna maroa to Yahudi ba bara to Yahudi, maroa hawi ba au bara hawi, maroa tobalilo ba towawine; i peitana Pue Ala himbela haha peake anti pohintuwuta hai Kerisitu Yesu.

Epesu 4:4

Ikita ope-ope au mepoinalai i Yesu Kerisitu, nodo peake hawata-wata, hai hadua pea Inao Malelaha au mampaidaike. Hai himbela wori peharunganta ope-ope, lawi nakakiomoke Pue Ala mewali anaNa.

Pilipi 2:9

Ido hai naangkami Pue Ala i pohudaa au meawa, hai Nawei kuasa au melumbu hangko i ope-ope kuasa au ara,

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.

Ibarani 9:24

Lawi paidaa malelaha au napesuangi Kerisitu, bara paidaa au rababehi tauna. Paidaa malelaha iti iami suruga. Hai Kerisitu mesua mpuu i suruga. Ide-ide, arami i lindona Pue Ala mamperuruike.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.

1 Yohane 3:12

Ineeke mampeulai babehiana Kai. Kai iti napoana Datu Tokadake, alana mopapate adina. Moapari pane ia mopapate adina? Lawi ia kadake babehiana, agaiana adina manoto babehiana.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

Yudasi 1:1

Sura ide hangko iriko Yudasi, hawina Yesu Kerisitu hai halaluna Yakobu. Sura ide kupakatu irikamu halalu au nakakiokau Pue Ala Umanta mewali taunaNa. Pue Ala mampokaahikau, hai Yesu Kerisitu ina mokampai liliukau duuna i kahaweNa hule.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

Pampetudungia 15:4

Pue, hema pae au bara meula Irio? Hema pae au bara mopangaku kamasukuna tuwoMu? Lawi Oio pea au malelaha. Ope-ope tauna batena menomba Irio, Lawi tongawami katouna pobotusiMu i hinangkana.”

Pampetudungia 19:12

MataNa mewangka nodo api au lolaa, hai i waaNa ngkaia songko datu. I wataNa teuki hangaNa, agaiana batena pea Ia au moisa lempona hanga iti.

Pampetudungia 4:8

Pinatuwo au iba iti mokapihe ini mbuana, hai humalele watanda momata. Barahe mengkangkaroo mohowara petoianda. Maroa mabaa ba kaindi, manguli liliuhe, “Malelaha! Malelaha! Malelaha! Pue Ala iami au mahile kuasaNa hangko i ope-opena, Ia au ara hangko i nguru-nguruna, au ara ide-ide, hai au ara hawe i hae-haena!”