Titu 2:12 - Sura Malelaha

¹² Hai Napaturoke bona mokabahake babehianta au moula pea peundeana lalunta au kadake hai au bara hintoto hai peundeaNa. Napaturoke bona mewalike matopa, tapamaroa babehianta, hai mengkoruke Iria lianta mani tuwo i dunia ide.

Titu 2:12 交叉參考

Matiu 16:24

Roo indo, Yesu mouliangaahe topeguruNa, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Matiu 28:20

hai nipaturomohe bona mampeulaihe hinangkana au Kuhawaamokau. Hai bona niisa, ina Kuporangaikau duuna hawe i kahopoa dunia ide.”

Lukasi 1:6

Tohamboko iti, manoto babehianda i peitana Pue Ala, lawi hangko i lalunda mpuu mampeulaihe ope-ope atura hai parentana Pue Ala.

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yohane 6:25

Kahawenda tauna bosa ntanda i orupena rano, mampohidupaamohe Yesu hai mekunehe, rauli, “Guru! ImpiraKo hawe inde?”

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

Suro 24:25

Paulu mololita i Feliks node: ikita hangangaa manoto babehianta, hai hangangaa tabuku morempeki peundeana lalunta, lawi ina hawe Alo Pehukuna Pue Ala. Kanahadina Feliks lolita iti, langami, pane nauli, “Nodomi hampai! Laomoko! Kukakio peako deade, ane ara katepakangku.”

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Roma 6:12

Ido hai kuweikau lolita, halalu: inee tapogiangaa dosa mokuasai katuwonta i dunia ide; inee tapeulai peundeana lalunta au kadake.

Roma 6:19

Ngkora pandiriku ide kupake bona mamura kaniisana paturongku. Hangkoia napohawikau dosa, lawi moula peakau peundeana lalumi au kadake hai au bara hintoto, alana napohingka rumihiri kakadakena babehiami. Agaiana ide-ide, agina nihuhu watami i Pue Ala bona mewalikau hawiNa alana manoto babehiami hai malelaha tuwomi.

Roma 8:13

Ane mampeulai peake peundeana lalunta au kadake, ina mateke. Agaiana ane takabahami babehianta au kadake anti kuasana Inao Malelaha, ina molambike katuwo au bara mokahopoa.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Galatia 1:4

Pue Yesu mokirami wataNa rapapate mohuru dosanta bona tekabahake hangko i kuasa dunia au kadake ide. Iti Nababehi moula peundeana Pue Ala Umanta.

Galatia 5:24

Ane mewalimoke taunana Kerisitu Yesu, barapoke nakuasai peundeana lalunta au kadake lawi peundeana lalunta au kadake iti rapakumi i kau mombehape hihimbela hai Kerisitu.

Epesu 1:4

Hangko damani dunia rapopewali, Napileimoke Pue Ala mohintuwu hai Kerisitu bona mewalike taunaNa au malelaha au bara ara kamasalanta i peitaNa.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

Kolose 1:22

Agaiana ide-ide, anti kapatena AnaNa, mohintuwumokau hai Pue Ala, hai Napamalelahamokau duuna barapi ara kamasalami ba kamakurami i peitaNa,

1 Tesalonika 4:7

Lawi tunggaiana Pue Ala mokakioke, barake Nakakio bona mobabehike sala agaiana Nakakioke bona malelaha tuwonta.

1 Tesalonika 4:9

Kaliliuana halalu, ara paturo au manguli hangangaa mampokaahike halalunta hampepepoinalai. Katouana barapi paraluu kiukiakau paturo iti, lawi napaturomokau Pue Ala bona mombepokaahikau hadua hai hadua.

1 Timotiu 4:12

Nauri mangura maniko, hintotoko rabila tauna. Hangangaa mewaliko pandiri i halalunta hampepepoinalai i lalu pololitamu, babehiamu, kamaahimu i hangka rangamu, pepoinalaimu i Pue, hai i lalu katuwomu au malelaha.

1 Timotiu 6:17

I tauna au pebuku, nupaturohe bona ineehe mampemahile hai ineehe meharunga i anu-anu dunia, lawi anu-anu dunia batena pea marugi. Agina mepoinalaihe i Pue Ala au moweike ope-ope pewati au bara ara hokana. Iami au tapokatana.

1 Timotiu 6:9

Agaiana tauna au mampeinaohe pebuku, mamurahe tekelo mobabehi dosa lawi teheahe hai peundeana lalunda au kadake. Peundeana lalunda iti bara mobundu, moanti peahe i kahurewu. Kahopoana manawohe i lalu dosa, alana molambi mpuuhe rugi.

2 Timotiu 3:12

Taisami: ope-ope tauna au meula i Kerisitu Yesu hai au mengkoru i Pue Ala batena ina rapopeahi-ahi.

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

Ibarani 8:11

I tempo iti, barapohe paraluu mopaguru halalunda ba hangka ranganda bona raisaNa. Lawi ope-opehe ina moisaNa, maroa au koi tuwona ba au mahile tuwona.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

2 Peturu 2:9

Mewali, hangko i ope-ope pandiri au kupahawe inona, tongawami kuasana Pue Ala motulungi tauna au menomba Iria datihe napakanawo pekelo. Hai tongawa wori kuasaNa mohuku ope-ope tauna duuna hawe alo pebotusi.

2 Peturu 3:11

Mewali, halalu, ane nodo kamagerona hinangkana au ara, noumbamoke ikita ide? Hangangaa tapamalelaha babehianta hai mengkoruke i Pue Ala.

1 Yohane 2:27

Agaiana halalu, modokomokau Inao Malelaha hangko i Kerisitu, hai Inao iti ara liliu i lalumi. Barapokau paraluu rapaguru tauna ntanina, lawi Inao Malelaha iti au mopagurukau i hinangkana. Ope-ope paturoNa tou, bara dongko. Mewali, mohintuwu liliumokau hai Kerisitu moula apa au Napaturoakau.

1 Yohane 2:6

Hema-hema au manguli mohintuwuhe hai Pue Ala, babehianda hangangaa moula babehiana Kerisitu.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

Yudasi 1:18

Au rauliangaamokau iami: i alo-alo au ina hawe hangko damani alo pebotusi, arahe tauna au ina mampopowadi-wadi pepoinalainta. Moula peahe peundeana lalunda au kadake, hai barahe mengkoru i Pue Ala.

Pampetudungia 14:12

Idomi hai taunana Pue Ala au matunduhe i hawaNa hai au mepoinalai liliuhe i Yesu, hangangaa mantahahe i lalu kapari.