Pilipi 3:5 - Sura Malelaha

⁵ I kaualuna alona tinuwungku, ratilemona moula Aturana Musa. Iko to Ibarani mpuuna, pemuleanana to Isaraeli hangko i tina Benami. Hangko damanina mepoinalai i Pue Yesu, kupeulaimi Aturana Musa moula pepaturonda toParisi.

Pilipi 3:5 交叉參考

Lukasi 1:59

Handami ualu alona tinuwuna anana Sakaria iti, maimohe ope-ope hintongginda hai halalunda mobabehi ada mpetile moula adanda to Yahudi. Tunggaianda bona anangkoi iti rahanga Sakaria moula hangana umana.

Lukasi 2:21

Kahandana ualu alona tinuwuNa, anangkoi iti ratile moula adanda to Yahudi. Hai i tempo iti, Yesu rahanga moula lolitana malaeka hangko damani Yesu nakantimia inaNa.

Lukasi 5:38

Mewali anggoro au wou hangangaa rakando wori i pambolia au wou.

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 23:6

Naisa Paulu, i olonda tadulako iti, arahe au mampeulai pepaturonda toSaduki, ara worihe au mampeulai pepaturonda toParisi. Ido hai mololita i ope-ope tauna masisimbuku, nauli, “Halalu! Iko toParisina, pemuleanana toParisi. Panena rapohuda-hudaa inde, lawi kupoinalai, tauna au mate, batena tuwo hule.”

Suro 6:1

Kamahae-haea katetetambaiami tauna au meula i Yesu. I tempo iti, ope-ope tauna au mepoinalai i Yesu, to Yahudi peahe, agaiana hanggaahe mobasa Yunani, hai hanggaa worihe mobasa Yahudi. Au mobasa Yunani, mohume-humehe mosalai ranganda au mobasa Yahudi, rauli, “Tobemba towawine au ara irikami barahe molambi kiranda hangko i apa au rakira-kira alo-alona i topeahi-ahi.”

Roma 11:1

Mewali kupekune, natendemohe pae Pue Ala to Isaraeli au mewali taunaNa hangkoia? Manoto bara. Lawi ide iko, to Isaraeli worina, pemuleanana Burahima hangko i tina Benami.

2 Korintu 11:22

Ane guru iti manguli, to Ibaranihe, iko wori to Ibaranina! Ane rauli pemuleanahe Isaraeli, iko wori pemuleanana Isaraeli! Ane rauli pemuleanahe Burahima, iko, pemuleana worina Burahima.