Matiu 8:5 - Sura Malelaha

⁵ Pesuana Yesu i boea Kapernaum, hawemi hadua tadulakonda surodado to Roma mampohidupaa Yesu hai merapi tulungi,

Matiu 8:5 交叉參考

Matiu 11:23

Hai ikamu wori to Kapernaum! Ba nipehangu ina naangkakau Pue Ala hawe i suruga? Bara! Ina Natendekau i lalu naraka! Ane rapana tanda kuasa au Kubabehimi i boeami, Kubabehi wori i wanua Sodomo hangkoia, wanua iti kebara napakarugi Pue Ala, ara mani duuna ide-ide.

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Matiu 4:13

Roo indo, Napalehimi boea Nasare lao maida i boea Kapernaum. Kapernaum iti, boea au i wiwi rano Galilea, i tampo Sebulo hai Naptali.

Matiu 9:1

Hangko inditi, mesawimi Yesu i duanga hihimbela hai topeguruNa, mowetahe mesule lao i paidaanda i boea Kapernaum.

Markus 15:39

Tadulako surodado au meangka molindo kau mombehape iti, moita noumba kapatena Yesu. Ido hai nauli, “Tou mpuu Ia ide Anana Pue Ala!”

Markus 2:1

Bara mahae hangko indo, Yesu mesule lao i boea Kapernaum. Tebambari kaaranami Yesu i sou.

Suro 22:25

Hawemohe inditi, ratakami Paulu bona rapapahai. Ido hai mololitami Paulu i hadua tadulako surodado au ara i holana, nauli, “Peisa pae hadua to Roma rapapahai ane bara mani raparesa hai rabotusi kara-karana?”

Suro 23:17

Roo indo, Paulu mokakio hadua tadulako surodado, nauliangaa, “Nuporangai anangkoi ide lao i tadulakomi, ara au ina napahawe.”

Suro 23:23

Roo indo, kapala tadulako surodado iti mokakio rodua tadulako surodado, nauliangaahe, “Pasilolonga rongatu surodado au meahe, pitu pulona surodado au modara, hai rongatu surodado au metawala. Deade kaindi tinti hahio, meangkamokau ope-ope lao i Kaisarea.

Suro 27:13

I tempo iti, pewui himburu hangko i Lau maroa. Mewali, moula pelambianda topobago i kapala tahingki, peisangkai mopaliliu posumombaki. Ido hai pantio kapala tahi iti raoremi, hai molumaomi kapalangki menana i lewuto Kreta.

Suro 27:31

Agaiana Paulu moita apa au rababehi iti, ido hai mouliangaa tadulako hai surodadonahe, “Ane topobago iti mopalehihe kapala tahi, bara mpuukau ina tuwo!”

Suro 27:43

Agaiana nakontohe tadulakonda, lawi naunde bona Paulu inee rapopoapa. Ido hai motudumohe tauna au raisa monangu melumpa ioru i tahi hai monangu lao i lorena.

Suro 9:38

Lawi wanua Yope bara karao hangko i wanua Lida, ido hai topepoinalai i Yope mohadihe kaarana Peturu i wanua Lida. Ratudumi rodua tauna lao i Peturu merapi bona hoholiga mai i Yope.