Matiu 10:1 - Sura Malelaha

¹ Yesu mokakio topeguruNa au hampulo hai rodua, hai Naweihe kuasa mampopeloho seta hai mopakaoha ope-ope tauna au mahai hai au bara masilolonga watanda.

Matiu 10:1 交叉參考

Matiu 19:28

Nahanai Yesu, “Bona niisa: i alo pebotusi i tempona Pue Ala mopawou hinangkana, Iko Ana Manusia ina mohuda moparenta i pohudaa au meawa. I tempo iti, ikamu au meula Iriko ina mohuda worikau i pohudaa au hampulo hai rombua, moparenta to Isaraeli au hampulo hai rontina.

Matiu 26:20

Kaindina, Yesu hai topeguruNa au hampulo hai rodua mohudahe maande.

Matiu 26:47

Tangana mani Yesu mololita, hawemi Yudasi, hadua hangko i topeguruNa au hampulo hai rodua, hihimbela hai bosa tauna au moanti piho hai pewombe. Tauna iti ratuduhe kapala-kapala tadulako mpenomba hai totosaenda to Yahudi bona laohe mohaka Yesu.

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

Matiu 9:35

Nodomi Yesu mampolumaongi boea-boeana. Ia mepaturo i sou penombaa, mopahawe Ngkora Marasa kana i poparentana Pue Ala. Napakaoha wori ope-ope tauna au mahai hai au bara masilolonga watanda.

Matiu 9:38

Ido hai hangangaa niperapi i ampu bonde bona Natuduhe tauna lao mepare i bondeNa.”

Lukasi 10:19

Nipehadingi lolitaNgku: Kuweimokau kuasa moiheki ile ba topehingki hai kuasa monangi ope-ope kamarohona iwali. Bara ara hadua au peisa mopakarugikau.

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Lukasi 24:49

Nipehadingi lolitaNgku! Ina Kutudu Inao Malelaha mai irikamu. Agaiana hangangaa nipegia hampai inde i wanua Yerusale, duumi molambi kuasa moula dandiNa UmaNgku.”

Lukasi 6:13

Mesupami alo, Nakakiomohe tauna au meula Iria, hai Napileihe hampulo hai rodua hangko i olonda. Ihira itimi au Napakanoto Yesu bona mewali suroNa au mobambari Ngkora Marasa i tauna bosa.

Yohane 17:2

NuweimoNa kuasa motadulakoi ope-ope tauna bona tauna au NuweimoNa, ina Kukiraiahe katuwo maroa au bara mokahopoa.

Yohane 3:27

Nauli Yohane, “Ikita manusia bara peisa mobabehi apa-apa ane barake nawei Pue Ala kuasa.

Yohane 3:35

Pue Ala Umanta mampokaahi AnaNa hai Naweimi ope-ope kuasaNa.

Yohane 6:70

Nauli Yesu, “Bara pae Ikoto au mopileikau au hampulo hai rodua ide? Agaiana hadua i olomi iami tokadake.”

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 19:15

Nahanai seta iti, “Yesu kuisa, Paulu kuisa wori. Ikamu, hemakau pane baikau mampopelohona!”

Pampetudungia 12:1

Roo indo, kuita i langi hambua tanda au mewulungai: ara hadua towawine au hampina nodo pewangka alo hai i woi bitina ara wula. I waana ara songko au rababehi hangko i hampulo hai roogu betue.