16 Ane roomi nibasa sura ide, kuperapi bona nipakatuahe to Sarani i Laodikia bona rabasa wori. Hai surangku au kupakatuahe to Laodikia, nibasa wori.
Kupeinao bona niisa noumba kakupari-parina bago ide irikamu au bara manina niisa, tepesua ikamu au i wanua Kolose hai au ara i wanua Laodikia.
Kusabiki kamadotana i lalu pobagona irikamu au ara i Kolose hawe-hawe wori i halalunta au i Laodikia hai Hierapolis.
Nipahawea wongkamia tabeangki i halalu hampepepoinalainta au arahe i wanua Laodikia. Tabeangki i Nimpa hai i jumaa au mamingguhe i souna.
I lalu kuasa au naweina Pue Yesu, kuuliangaakau bona sura ide rabasa i lindonda ope-ope halalunta hampepepoinalai au arahe inditi.
Rapana, ara tauna au bara raunde mampeulai apa au kiuki i lalu sura ide, nipekatandaihe. Ineehe nipohintuwua bona maeahe.
