ฟีลิ้ปี 1:30 - Northern Pwo Karen Thai Bible

³⁰ เมะ เว๊ น ซื๊ง ดึ้ ฆึ เท่อ ดี๊ แย้ พี่ จ โล้ ล้าง ท ฌี้ อ ไฌ่, เก ท ดึ้ ล เม้ง ฆ่าง พี่ จ ดึ้-อ้ะ ลู่ง อ พ้อง ไฆวะ ดี๊ ค๊องเนง อี้ง จ ดึ้-อ้ะ ปะ บี่ ซุ้ น ซื๊ง แน่ฌ๊า แบ-อ้ะ นอ ล้อ

ฟีลิ้ปี 1:30 交叉參考

โยฮาง 16:33

จ โล้ น ซื๊ง เท่อ บี่ อี้ง นอ, บี่ ซุ้ น ซื๊ง ม โอ ดี๊ ท มึ ท พ้า ลู่ง น เจ้บึ้ น ซ้ะ ดี๊ แย้, พี่ น ซื๊ง โอ ฌางคู โคล๊ง คู นอ น ม แบ น้ะ แบ โน๊ง ล้อ, แบเด้าะ แม้ น ซ้ะ เมะ เฌิ่ง เมะ ค๊า ไช้ะ, ยี๊ แด จ น้า ฌางคู โคล๊ง คู เย้า”

ฟีลิ้ปี 1:13

อ กย้อง บี่ อี้ง ซึ้พู พี่ อ โอ คุ้ ซีซา อ ล่าง ดี๊ โพล้ง อ แฌ้แพ กุ้ อ แฌ้ พี่ อ โอ พี่ อี้ง นอ, ซีงแฌ๊ เว๊ ลู่ง จ โอ พ้อง พ้า นอ, เมะ เว๊ จ แม้ เอะ กแช่ เยซู คริ้ อ เท่อ ล้อ

โคโลซี 1:29

ลู่ง ท อี้ง อ กย้อง, จ แม้ เท่อ น้ะ เลา ไฌ่ เลา แบ้, เมะ เว๊ กแช่ เยซู คริ้ นอ เกล๊าง แย้ จ ไฌ่ จ แบ้ ดี๊ อ ดู้ง อ ยาง ลู่ง อ ทุ้ แบ จ เซิง จ ซ้ะ นอ ล้อ

โคโลซี 2:1

จ แบ ซ้ะ เกม๊า น ซื๊ง ซีงแฌ๊-อ้ะ, แย้ จ แม้ ท น้ะ บี่ จะ เล้ ลู่ง น ซื๊ง ฌ่าง, ดี๊ โพล้ง ทื๊ง ซยอง เท่อ โอ ลู่ง เฌง โลดีเค อ ฌ่าง, ดี๊ โพล้ง ลู่ง อ ล แด แบ แย้ น่าง พ๊า แบ นอ อ ฌ่าง

1​เทซาโลนีเก 2:2

น ซื๊ง ซีงแฌ๊ เย้า ซลื่อ ก ม เฌ๊ โอ น ซื๊ง ลู่ง เว่ง เทซาโลนีเก นอ, ก แบ ท แม้ น้ะ แม้ โน๊ง ดี๊ ก แบ ท ดึ้เดว ทื่งแช้ ไย่เละ ค๊างพะ ลู่ง เฌง ฟีลิ้ปี บี่ จะ เล้, แบเด้าะ ทึ เมะ โพล้ง แม้ ไทะทะ เฆ้อ แอ ฌ้อง ฌี้ๆ, นอ, กแช่ แยว้ เกม๊า ก โอ ดี๊ เซิง ดู้ง ซ้ะ ดู้ง, พี่ ก ม โล้ เอะ น ซื๊ง แบฆ้ะ ดี๊ ท ฌี้ อ ไฌ่ เฌ๊ เว๊ ลู่ง กแช่ แยว้

1​ทีโมเท 6:12

เฌา เก โพล้ง ชู่ง เท่อ นะ เท่อ เลา เซิง เลา ซ้ะ, บี่ ซุ้ โพล้ง ซยู๊ แท้ โละ ซ้ะ เลา ไฌ่ เลา แบ้ พี่ ม น้า เท่อ, ไพล่ นี่ ท ม๊า ล้างชู้ ล้างแกย เก น เท่อ, กแช่แยว้ อางลึ นี่ แน้ เกม๊า น นี่ แบ-อ้ะ, พี่ น โล้ ล้าง น ท ชู่ง ท นะ ล้างที๊ง ลู่ง พีงญาง แอ แฌ้ อ เมะแซ พ้า

2​ทีโมเท 4:7

ลู่ง ท ซยู๊ แท้ โละ ซ้ะ พี่ อ ฌี้ นอ, จ ซยู๊ เลา ไฌ่ เลา แบ้, จ ซยู๊ ท้อง ทอางกี ล้าง เว้ เว๊ เย้า, ดี๊ จ โต้ จ ล้อง ดี๊ จ ท ชู่ง ท นะ ครึๆ

ฮีบรู 12:1

ท บี่ นอ, พี่ ก พีงญาง โอ แอ ฌี่ง แอ ฌ้อง วะ ก ฆ้อง บี่ อี้ง นอ, เกม๊า ก แม้ ไฆวะ ท กุ้ อ เม้ง พี่ อ แม้ ไทะทะ เฆ้อ, ดี๊ แม้ ไฆวะ ท เด้บ้ะ พี่ อ บึ้เบง เฆ้อ, ฌ้อง ท ซยู๊ แท้ พี่ อ แบ ทอางกี ล้าง เว้ เอะ เฆ้อ นอ, เกม๊า ก ซยู๊-อ้ะ ดี๊ ท เอ้า เซิง เอ้า ซ้ะ

ฮีบรู 12:4

พี่ น ซื๊ง ดึ้ โละ ซ้ะ ดี๊ ท เด้บ้ะ นอ, ท๊อง ค๊องเนง อี้ง น ซื๊ง ล ดึ้ แบ เท่อ ท้อง ลู่ง น ซี๊ง แบ

ท​เน​โพล​ทาง 12:11

อซื๊งเว๊ซีง ล แพ นอ แม้ น้า แบ ฌู่ง พ้ะดู นอ ดี๊ แกะ พู อ ซวีง ดี๊ กแช่ แยว้ อ ลู่ง อ แท๊ พี่ อ โล้ ล้าง เว๊ นอ ล้อ, อ ไฌ่ บี่ อี้ง อซื๊งเว๊ ล ล๊องก้อง ล้าง อ ซ้ะ แบ, ทึ เมะ แบ ซี๊ง ฌี้ๆ