Yahudi 9:10 - Nyaa Shɔɔ Ɓɔɔ Laa a Ɓɛɛ

¹⁰ Rɛɛ vuu keɓe, ɓi ka yuu vuu shaanang nɛɛ vuu ɓoonang nɛɛ rɛɛ vuu sɔ̀ɔrɔ̀nang kɔ shɛ̃ɛning ka zɔ̃ng zɔ̃ng. Wee ɓi nyaa dannang ka ruu vuu ɓɔɔ zang palɛ ka bii biling kɔ shɛ̃ɛning, tɔ̀ɔ laa ɓɔɔ Laa naa kɔ̃sɔ vuu piti, wu a nɛɛ mani.

Yahudi 9:10 交叉參考

Maraku 7:4

Ri nɛɛ gbãayu tɔ nɛɛ lumang, ri shaa vuu shaanang kpang, ri wili bii ɓarɛ ka gbongkarɛ naa ɓɔɔ daa ɓarɛ tùsù ri ɓɛɛ. Ri ti palɛ vuu ɓɔɔgn ɓɔɔ daa ɓarɛ tusu ri dɔɔli. Vuu ɓɔɔ naa rɛɛ waka nɛɛ ɓari nɛɛ gbanti sɔɔnang ɓɛɛ.)

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

Afisa 1:10

Diki nɛɛ a tɔ, Laa naa palɛ vuu ɓɔɔ wu mang ka yeti ɓiɓɛ ditɔ. Nɛɛ kpalɛ vuu ɓɔɔ wu mãarɛ ɓɛɛ nandon, vuu ɓɔɔ ka lapa nɛɛ tipi nandon, tɔɔ Kirisi wu nwang zang bang ɓarɛ kati.

Afisa 2:15

Shing tɔ zang pálɛ̀ shonang tɔ̀ɔ́ nɛɛ nyaa dannang zang Yahudi nɛɛ vuu ɓɔɔ nyaa dannang keɓe kasɛ piti ɓɛɛ kpang. Palɛ nɔngkɔ nɛɛ tɔ̀ɔ, wu shingnɛ zɔ̃ng zang piti keɓe, ri nwang shɔnzang ɓɔɔ shɔɔ dɔ̃ɔ gbete, ka ɓɔɔ wu a zang bii ɓiɓɛ, zang nyɔ wu vɔrɔ ɓɛɛ. Ka naa weɓe kɔ, wu shing ri, ri nwang ka nyaa zɔɔ.

Kolosi 2:16

Ka ruu nɔngkɔ, zang ɓɔɔ wu dãa nɔɔ ka yuu vuu ɓɔɔ nɔɔ shaayi nɛɛ ɓɔɔ nɔɔ ɓooyi ɓɛɛ kpang. Kɔ́ ka yuu diki Laa, kɔ́ ka yuu vuu shaanang shala shɔɔ, kɔ́ ka yuu Diki Ɔ̃sɔnang.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Yahudi 2:5

Laa shing wu zang nyaa shonang ɓiɓɛ ɓɔɔ ri ka lapa, ri roo kpanti ka koo ɓɔɔ wu naa mãa ɓɛɛ kpang. Koo kɔ ruu rang yee ka yuu ɓiɓɛ ɓee.

Yahudi 6:2

Nɛɛ vuu tusunang, ka yuu batizima, nɛɛ naa shinnang ka yuu zang, nɛɛ naa ɓɔɔ zang wisi zang paa nɛɛ sàa ɓɛɛ, nɛɛ ɓɔɔ ruu ɓɔɔ Laa naa jɛ̃ɛ zang, ka ɓɔɔ koo naa waa nyaa ɓɛɛ.

Yahudi 6:5

ri ti tãa tɔ̃ɔ Ruu Laa tɔ, a ri ti zi naa ɓɔɔ naa vuu palɛnang koo ɓɔɔ naa a ɓɛɛ nwang ɓɛɛ tɔ.

Yahudi 7:12

Ka ruu ɓɔɔ, zang nɛɛ kɔ̃sɔ zɔ̃ng zang ɓɔɔ ri nwang zang ɓɔɔ ri dɔɔ vuu ka Gãa Laa tɔ, zang kɔ̃sɔ nyaa dannang kaa doo katɔ kɔ ɓɛɛ.

Yahudi 7:16

Nwang tɔ zang ɓɔɔ dɔɔ Laa vuu ka Gãa Laa, wu ka doo vuu ɓɔɔ shɔnzang ri tusu ɓɛɛ kpang, ɓi ka doo naa vuu palɛnang suru bii ɓiɓɛ ɓɔɔ waa nyaa kpang ɓɛɛ.

Yahudi 9:1

Nyaa ɓɔɔ Laa mã tĩng shɔɔnang kaɓa, tusu zang gbalang naa ɓɔɔ zang bang Laa katɔ. A nɔng ɓɔɔ shi kpang kagn kpang, ɓɔɔ shɔnzang ri bang Laa ti kagn ka koo keɓe.