Yahudi 7:2 - Nyaa Shɔɔ Ɓɔɔ Laa a Ɓɛɛ

² A Ibirayi basɛ vuu ɓɔɔ wu see ka nyaa sĩiri vàa kopi á a wu vàa gbete. Dĩiri nung Malakisadak ɓɔɔ tĩng shɔɔnang ɓi, “Kpanti zang ɓɔɔ ri zang tɔ̃ɔ ka tĩng Laa ɓɛɛ” a ɓɔɔ kaa, “Kpanti Salama” ɓi kaa, “Kpanti ɓɔɔ shingnɛ zang ri nwang ka nyaa zɔɔ” ɓɛɛ.

Yahudi 7:2 交叉參考

Matiyu 1:23

“Jaa soro ɓɔɔ roo varɛ gn kpang, naa tuu jaa ditɔ, naa yi jaa zang varɛ, zang naa ɓaa nung ɓiɓɛ nɛɛ Imanuwe.” (Kpanti Laa nwàng kaa teteng ɓuru.)

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Rooma 3:26

Kãntang keɓe, yée laa kaa tɔ, ka vuu shi kpang ɓɔɔ shɔnzang ri palɛ ɓɛɛ, tɔ̀ɔ, wu tusu zang tɔ̃ɔ ɓiɓɛ. Ka gbalang keɓe, Laa tusu zang nɛɛ wu ɓi zang tɔ̃ɔ, nɛɛ wu ti shing zang piti ɓɔɔ ri shing danggn ka bii Yeesɔ Kirisi, ri nwang zang tɔ̃ɔ ka tĩng ɓiɓɛ.

Yahudi 7:1

Malakisadak keɓe, bɛ̀ɛ́ wukɔ kpanti nɔng ɓɔɔ zang ɓaa nɛɛ Salama ɓɛɛ, a ti zang ɓɔɔ dɔɔ vuu ka Gãa Laa, Laa ɓɔɔ ɓa zang piti ɓɛɛ. Kpisi Ibirayi yuu, ka ɓɔɔ Ibirayi gbãayu nɛɛ nɔng ɓɔɔ wu shaa rɛɛ kpanti ka sĩiri ɓɛɛ, a gàa Ibirayi Laa nɛɛ Laa shingnɛ Ibirayi wu tãa tĩnang.

Yahudi 7:3

Daa ɓiɓɛ kagn kpang, nàá ɓiɓɛ ti kpang, zang zi dĩiri zɔ̃ng ɓiɓɛ kpang. Zang ti zi diki ɓɔɔ zang yi wu kagn ɓɛɛ kpang, a ɓɔɔ diki ɓɔɔ wu vɔ kagn ɓɛɛ kpang. Nwáng ɓi naa Jaa Laa, ka ruu ɓɔɔ, ɓi zang ɓɔɔ dɔɔ Laa vuu ɓɛɛ dòndòng.