Yahudi 2:10 - Nyaa Shɔɔ Ɓɔɔ Laa a Ɓɛɛ

¹⁰ Daa naa katɔ, Laa ɓɔɔ vuu piti nwang ka ruu ɓiɓɛ kɔ, a wukɔ ti mã̀a vuu piti ɓɛɛ, wu shing Yeesɔ wu nwang nyaa kiiri nɛɛ jĩng ɓɔɔ wu dang ɓɛɛ. Tɔ̀ɔ, wu atɛ wujɛ ɓiɓɛ ri wàlɛ̀ bannang, ka ruu ɓɔɔ Yeesɔ kɔ sɔɔ ri tĩng, zang daa ta yuu ɓarɛ ɓɛɛ.

Yahudi 2:10 交叉參考

Luka 13:32

A kɔɔ ri tɔɔ, “Nɔɔ dita, nɔɔ daa kɔɔ yaka jĩngti kaɓa nɛɛ, ‘N nwangsɛ suru shi kpang, a n ti masɛ zang lɛɛkɔ, nɛɛ ɓuru. Lagbete n naa hangsɛ nyaa shonang mɛɛ.’

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Luka 24:26

Nɔɔ zi kpang nɛɛ Kirisi dang jĩng vuu keɓe ka gbongkarɛ, tɔ̀ɔ, zang a wu bannang ɓiɓɛ kpang ya?”

Luka 24:46

A kɔɔ ri nɛɛ, “Wee vuu ɓɔɔ zang bee ɓɛɛ, Kirisi dang jĩng, wu ti vɔrɛ, diki nɛɛ daa tɔ taati, wu yupaa nɛɛ sàa.

Yɔhana 11:52

Wu ti ka ruu ɓarɛ kɔ shɛ̃ɛning kpang. Vɔrɛ nɛɛ tɔɔ wu kpalɛ zang Laa ɓɔɔ zang tantɛ ri ka koolaa kaa jong nɔng gbete.

Yɔhana 19:30

Yeesɔ máa mii inabi ɓɔɔ gbang katɔ tɔ, a kɔɔyi tɔɔ, “Zang hangsɛ nyaa tɔ.” A ɓaa yuu ka dii, vɔ kati.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Rooma 11:36

Vuu piti a nɛɛ bii Laa. Mãa vuu piti ka ruu ɓiɓɛ kɔ, a vuu piti ti gbãayu ka bii ɓiɓɛ ka nɔng. Rúu dɔɔ nɔɔ Laa dòndòng. Nɔngkɔ.

Rooma 9:23

Palɛ vuu keɓe nɛɛ wu tusu bannang ɓiɓɛ. Bannang ɓɔɔ wu nwangsɛ ruu, ɓɔɔgn ɓuru kɔng wu katɔ ɓɛɛ. Zang ɓɔɔ wu kpàlɛ̀ ri bii doo ka tĩng nɛɛ ri ta bannang ɓiɓɛ ɓɛɛ.

1 Koranti 2:7

Zũnang kɔ ruu rang yee ka yuu ɓiɓɛ ɓee, ɓi zũnang Laa ɓɔɔ bɛ̀ɛ́ Laa waasɛ katɔ, shɔnzang ri zi kpang ɓɛɛ. Laa pálɛ́ vuu keɓe doo ka tĩng bɛ̀ɛ́ zang mãa koo keɓe gn kpang, nɛɛ tɔ̀ɔ, ruu naa nwang nɛɛ wu ka nɔng bannang ɓiɓɛ.

1 Koranti 8:6

Ruu zi ɓuru tɔ, Laa ɓi gbete. Wukɔ Daa, wukɔ mãa vuu piti, wukɔ ti mãa ruu nɛɛ, tɔ̀ɔ, ruu a wu bannang. Kpanti ti gbete kɔ nwani, wukɔ Yeesɔ Kirisi. Laa mãa vuu piti nɛɛ bìí ɓiɓɛ kɔ. Rùu ti nwang ningkãari ka ruu ɓiɓɛ kɔ.

2 Koranti 3:18

Ɓɔɔ ruu dũng Laa nɔngkɔ, sɛ̃ɛ fɔ̃ɔrɔ keɓe zùu jĩng ɓuru kpang, ruu zi bannang Kpanti Laa katɔ. Bannang keɓe, ɓɔɔ a nɛɛ bii Kpanti Laa ɓɔɔ ɓi suru ɓɛɛ, rìsí ruu kana, tɔ̀ɔ, ruu nwang naa wukɔ. Ti gìsí ruu bannang ɓɔɔ naa ɓɔɔ ɓiɓɛ gbãng gbãng ɓɛɛ kana, ka yuu zɔɔ, yuu zɔɔ.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

2 Koranti 5:18

Ɓi Laa ɓɔɔ risi ruu, ɓɔɔ ruu shing jĩng nɛɛ wu kpang, ruu nwang wusang ɓiɓɛ kɔ, palɛ vuu keɓe nɛ bii Kirisi. A á ruu shonang nɛɛ ruu risi zang ɓɔɔ ta wu, ri nwang wusang ɓiɓɛ.

2 Koranti 6:18

N nwang Daa manɛ, tɔ̀ɔ, nɔ́ɔ nwang manɛ kaa wujɛ mɛɛ ɓɔɔ soro nɛɛ ɓɔɔ varɛ. Laa ɓɔɔ wukɔ ɓa zang piti bannang katɔ kɔ kɔɔ ruu keɓe.”

Galati 3:26

Kãntang keɓe, nɔɔ nandon nɔɔ nwàng kaa wujɛ Laa, ka ruu danggn ɓɔɔ nɔɔ shing ka bii Yeesɔ Kirisi ɓɛɛ.

Afisa 2:7

Laa palɛ vuu keɓe, nɛɛ tɔ̀ɔ, ka koo ɓɔɔ a ka tĩng ɓɛɛ, wu tusu tɔ̃ɔ ɓɔɔ wu palɛ ɓɔɔ daa naa gãsɛnang kpang ɓɛɛ. Ka ruu vuu ɓɔɔ Yeesɔ Kirisi palɛ ɓɛɛ.

Afisa 3:10

Kasɛ nɛɛ ka koo jaa knti keɓe, wu tusu rɛɛ kpanti, nɛɛ rɛɛ zang bang, zũnang ɓiɓɛ naa ɓɔɔ nwang ka bm bm ɓɛɛ, nɛɛ bii zang ɓɔɔ ri dũng wu ɓɛɛ.

Kolosi 3:4

Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

2 Timoti 2:10

Ka ruu nɔngkɔ, n mã danggn vuu piti ka ruu zang ɓɔɔ Laa shɛ̃ɛrɛ ri katɔ ɓɛɛ. Tɔ̀ɔ, Laa wu ta yuu ɓarɛ kaa jong. Yuu tanang ɓɔɔ a nɛɛ bii Yeesɔ Kirisi ɓɛɛ, ɓɔɔ ti atɛ suru bii ɓɔɔ waa nyaa kpang ɓɛɛ.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 6:20

Nɔng ɓɔɔ Yeesɔ kɔ daa tĩng shɔɔnang, ka nung ɓɔɔ ruu nɛɛ dàa ɓɛɛ. Ka knti ɓɔɔ nwang kpanti zang ɓɔɔ ri dɔɔ vuu ka Gãa Laa tɔ dòndòng, naa ɓɔɔ Malakisadak nwang ɓɛɛ.

Yahudi 7:26

Zɔ̃ng kpanti zang ɓɔɔ ri dɔɔ vuu ka Gãa Laa keɓe, ɓɔɔ ruu kasɛ ɓɛɛ kɔ. Zang ɓɔɔ shi kpang ka bii ɓiɓɛ kpang, ɓɔɔ zang dãa wu kpang, ɓɔɔ ɓi kankalang ɓɛɛ, a zang zɔ̃ng wu katɔ nɛɛ teteng zang ɓɔɔ ri palɛ vuu shi kpang, zang shing wu dang gbete, ɓɔɔ zang a wu nɔng nwannang ka lapa kpala kpala.

Yahudi 7:28

Ka ruu ɓɔɔ, nyaa dannang Musa zɔ̃ng ɓi zang ɓɔɔ ri palɛ vuu shi kpang katɔ, ri nwang kpanti zang ɓɔɔ ri dɔɔ vuu ka Gãa Laa ɓɛɛ. A zang ɓɔɔ Laa zɔ̃ng wu nɛɛ knti, a tũng vuu kagn, zang keɓe, palɛ vuu shi kpang ɓi gngn kpang tingkiring.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

Vuu ɓɔɔ zang nwangsɛ Yɔhana 4:11

“Laa ɓɔɔ mɔkɔ kpanti ɓuru ɓɛɛ, mɔkɔ daa naa ɓɔɔ zang bang mɔɔ, zang dɔɔ mɔɔ, a naa vuu palɛnang piti ka naa ɓaaɓɛ kɔ. Mɔkɔ mã́arɛ̀ vuu piti ka tĩng tɛ̃ɛ tɛ̃ɛ, a mɔkɔ ti kasɛ nɛɛ ri nwalɛ naa weɓe, a mɔɔ mã́arɛ̀ ri kati.”

Vuu ɓɔɔ zang nwangsɛ Yɔhana 7:9

Ka knti vuu keɓe, n shing jĩng, a n zirɛ zang ri kpalɛ yuu zingkãng zingkãng, daa naa gãnang kpang. Ri nwangnɛ teteng zɔ̃ng zang piti, nɛɛ nɔng piti ka koo keɓe, a ɓɔɔ nyaa ɓɔɔ ka koo piti. Ri shiiri ka tĩng laa nwannang kpanti ka nɔng ɓɔɔ Jaa Mɛ̀ɛrɛ́ kagn ɓɛɛ. Ri hã̀lɛ̀ fɔ̃ɔrɔ puru, a ri ti yiti nasãng laa nung manja ka naa.