Yahudi 10:1 - Nyaa Shɔɔ Ɓɔɔ Laa a Ɓɛɛ

¹ Nyaa dannang ɓi jasuru rɛɛ vuu tɔ̃ɔ ɓɔɔ naa alɛ, ɓi vuu bìí kɔ nɛɛ yuu ɓarɛ niizang kpang. Ka ruu nɔngkɔ, zunung naa ɓɔɔ shing zang ɓɔɔ ri a Laa bannang, ri nwang nyaa kiiri nɛɛ bii zɔ̃ng vuu gbete ɓɔɔ zang dɔɔ Laa, ɓɔɔ zang paasɛ ka saa saa ɓɛɛ kpang.

Yahudi 10:1 交叉參考

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Kolosi 2:17

Vuu keɓe nandon nwàng ɓi naa jasuru vuu ɓɔɔ a doo ka tĩng ɓɛɛ. Vuu ɓɔɔ niizang ɓi Yeesɔ Kirisi.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 7:11

Laa a zang Isirela nyaa dannang ɓiɓɛ, ka ɓɔɔ bɛ̀ɛ́ zɔ̃ng Leevi rikɔ dɔɔ Laa vuu ka Gãa Laa ɓɛɛ. A shonang zɔ̃ng Leevi zunung ɓɔɔ kɔsɔ zang vuu shi kpang ɓɔɔ zang palɛ ɓɛɛ kaa takpang. Naa nɛ̀ɛ́ zunung katɔ, Laa nɛ̀ɛ́ shong Yeesɔ takpang. Yeesɔ ɓi zang ɓɔɔ dɔɔ vuu ka Gãa Laa naa Malakisadak, ɓi ka zɔ̃ng Haruna kpang.

Yahudi 8:5

Ri palɛ shonang ɓarɛ ka koo, nɔng ɓɔɔ zang gãsɛ ɓi nɛɛ ɓɔɔ ka lapa ɓɛɛ. Nwang ɓi naa jasuru nɔng keɓe ɓɔɔ ka lapa ɓɛɛ. Ka ruu nɔngkɔ, ka ɓɔɔ Musa bɛ̀ɛ́ nɛɛ wu ɓàá Laa kaa putali ɓɔɔ zang bang wu kagn ɓɛɛ, Laa shaarɛ wu nyaa tɔɔ, “Shing jĩng kagn, mɔɔ palɛ vuu piti ka doo naa ɓɔɔ zang tusu mɔɔ ka yuu kɔpɔ ɓɛɛ.”

Yahudi 9:11

A wee Kirisi a ɓi tɔ, wukɔ kaa kpanti zang ɓɔɔ ri dɔɔ vuu ka Gãa Laa, ka yuu rɛɛ vuu tɔ̃ɔ ɓɔɔ ri ɓarɛ kaa nihn kɔ nwani ɓɛɛ. Putali ɓɔɔ Kirisi palɛ shonang ka yeti ɓiɓɛ, ɓa weɓe katɔ, a ɓi ti nyaa kiiri. Ɓi shɔnzang palɛ kpang, a ɓi ti ka koo keɓe kpang.

Yahudi 9:23

Dàa naa ɓɔɔ zang shing rɛɛ vuu ɓɔɔ ri ɓarɛ jasuru vuu ɓɔɔ niizang ɓɔɔ ri ka lapa keɓe, ri nwang tɔ̃ɔ nɛɛ zĩi vuu ɓɔɔ zang dɔɔ Laa naa weɓe tɔ. A vuu ɓɔɔ ri ka lapa, ɓɔɔ ɓi kaa rikɔ ɓɔɔ niizang ɓɛɛ, zang shing ri, ri nwang tɔ̃ɔ ɓi kaa nɛɛ vuu ɓɔɔ zang dɔɔ Laa ɓɔɔ ɓa weɓe katɔ ɓɛɛ.

Yahudi 9:25

Ti daa wu ka lapa nɛɛ tɔɔ wu daa a Laa yuu ɓiɓɛ tɔkn kpãngkpãng kpang. Naa ɓɔɔ kpanti zang ɓɔɔ ri dɔɔ vuu ka Gãa Laa, palɛ ka saa saa ɓɛɛ. Dàá ka nɔng ɓɔɔ shi kpang kagn kpang, ɓɔɔ ka yeti Gãa Laa ɓɛɛ, nɛɛ zĩi ɓɔɔ ɓi ɓɔɔ ɓiɓɛ kpang ɓɛɛ.