Rooma 8:39 - Nyaa Shɔɔ Ɓɔɔ Laa a Ɓɛɛ

³⁹ Naa doo vuu ɓɔɔ ka lapa, nɛɛ vuu ɓɔɔ ka tipi dii. Vuu ɓɔɔ kagn ka teteng vuu ɓɔɔ Laa mã́arɛ̀ ɓɔɔ zunung ɓɔɔ wu basɛ ruu, nɛɛ kasɛnang ɓɔɔ Laa tusu ruu nɛɛ bii Kpanti ɓuru Yeesɔ Kirisi ɓɛɛ kpang.

Rooma 8:39 交叉參考

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Yɔhana 16:27

Ka ruu ɓɔɔ, Daa nɛɛ yuu ɓiɓɛ kasɛ nɔɔ katɔ ɓɛɛ. Kasɛ nɔɔ ka ruu ɓɔɔ nɔɔ kasɛ m katɔ, a nɔɔ ti shing danggn tɔ, nɛɛ n a nɛɛ bii Laa ɓɛɛ.

Yɔhana 17:26

N tusu ri mɔɔ tɔ, n ti tusu ri ditɔ sasak, tɔɔ ri kasɛ zɔɔ kaa jong naa ɓɔɔ mɔɔ kasɛ m ɓɛɛ. Ń ti nwáng jong nɛɛ ri.”

Yɔhana 3:16

Laa kasɛ zang ɓɔɔ ka koo keɓe dɔɔli, ka ruu nɔngkɔ, shong nyaa nɛɛ Jaa gbete ɓiɓɛ. Nɛɛ tɔ̀ɔ, zang ɓɔɔ nɛɛ shing danggn ka bii ɓiɓɛ wu shaarɛ kpang, wu wàlɛ̀ suru bii ɓɔɔ waa nyaa kpang kɔ jong.

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

Rooma 11:33

Laa pàlɛ́ zang tɔ̃ɔ dɔɔli, ti zũng dɔɔli, a zi vuu piti. Zang ɓɔɔ zi naa ɓɔɔ Laa shii ka yuu vuu kpang, ruu ti zi gbalang ɓiɓɛ kpang.

Rooma 5:8

Laa tusu ruu naa ɓɔɔ wu kasɛ ruu ɓuru dɔɔli ɓɛɛ tɔ. Ka ɓɔɔ bɛ̀ɛ́ ruu doo zang ɓɔɔ ruu palɛ vuu shi kpang, Kirisi vɔ ka ruu ɓuru ɓɛɛ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 8:35

Ɓu wi zunung ɓɔɔ wu basɛ ruu nɛɛ kasɛnang ɓɔɔ Kirisi kàsɛ̀ ruu nɛɛ mani ɓɛɛ wiya? Vuu gãsɛnang ɓɔɔ a ka zɔ̃ng zɔ̃ng ɓɛɛ ya? Vuu ɓɔɔ kpãa ruu dɔɔli ɓɛɛ ya? Naa doo jĩng dannang yupaa ya? Naa nyɔkɔ nwangnɛ ya? Naa vuu ɓɔɔ ruu hãa ka bii kpang ya? Naa zang shìng ruu doo baabii ya? Naa zang nyɔkɔ ruu vɔrɔ ɓɛɛ ya?

2 Koranti 11:3

N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

2 Koranti 2:11

Tɔ̀ɔ, wu zãa Sheetang gbalang ɓɔɔ wu vang ruu ka yuu ɓɛɛ. Ka ruu ɓɔɔ, ruu zi vuu ɓɔɔ wu mang ɓi tɔ ɓɛɛ.

Afisa 1:4

Ɓɔɔ bɛ̀ɛ́ Laa mã́a koo gn kpang, zɔ̃ngkɔ ruu tɔ nɛɛ ruu nwang ɓɔɔ ɓiɓɛ, ka ɓɔɔ ruu shing danggn ka bii Yeesɔ Kirisi ɓɛɛ. Tɔ̀ɔ, ruu nwang zang ɓiɓɛ ɓɔɔ shi kpang ka bii ɓuru kpang ɓɛɛ ka tĩng ɓiɓɛ, ka ruu ɓɔɔ kasɛ ruu katɔ ɓɛɛ.

Filipi 3:12

N tɔɔ kpang nɛɛ n walɛ rɛɛ vuu ɓɔɔ n shing jĩng mɛɛ kagn ka tĩng kaɓa kpang, n ti tɔɔ kpang nɛɛ shi kpang kagn ka bii mɛɛ kpang, kpang. N daa m nɛɛ tĩng, tɔ̀ɔ, n naa yiti rɛɛ vuu kaɓa naa ɓɔɔ Yeesɔ Kirisi yiti m jong ɓɛɛ.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

2 Tesalonika 2:4

Naa risi vuu ɓɔɔ zang ɓaa nɛɛ vaka, kɔ vuu ɓɔɔ zang bang katɔ piti, naa vuu ɓɔɔ kpang. Wu shing yuu ɓiɓɛ nɛɛ wu ɓa ri katɔ nandon. Ti naa daa ka yeti Gãa Laa wu nwang ka nɔngkɔ wu kɔɔyi nɛɛ wukɔ kaa Laa.

1 Yɔhana 4:16

Ruu zi naa ɓɔɔ Laa kasɛ ruu tɔ ka yeti ɓuru, a ruu ti shing gn ka ruu zang kasɛnang ɓiɓɛ keɓe katɔ. Kasɛ ruu zang ɓi katɔ. Zang ɓɔɔ kasɛ ruu zang katɔ sasak, nwàng ɓi nɛɛ Laa, a Laa ti nwàng ɓi kagn yeti ɓiɓɛ.

1 Yɔhana 4:19

Ruu kasɛ ruu zɔɔ, ka ruu ɓɔɔ, Laa kɔ kasɛ ruu ɓuru shɔɔnang ɓɛɛ.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 13:14

Tuu vuu ɓɔɔ zang a wu naa palɛnang ka tĩng yɔpɔ jĩngti ɓɔɔ tĩng shɔɔnang kaɓa, a nwãarɛ zang piti, ɓɔɔ ri nwalɛ ka koo nandon nɛɛ mani. Kɔɔ ri nɛɛ, ri pálɛ́ vuu ɓɔɔ nwang yɔpɔ jĩngti ɓɔɔ tĩng shɔɔnang, ɓɔɔ bɛ̀ɛ́ zang shing wu nyaa vuu waa ka bii nɛɛ yere bang a nwang doo ningkãari ɓɛɛ, ri a wu bannang nɛɛ mani.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.

Vuu ɓɔɔ zang nwangsɛ Yɔhana 2:24

Ɓɔɔ zang ɓɔɔ ri yaa ka Tayatira ɓɛɛ, ɓɔɔ nɔɔ dũng vuu ɓɔɔ Jezebel kpɛ̃ɛrɛ zang ɓɛɛ manɛ kpang, nɔɔ ti zi rɛɛ vuu shi kpang ɓɔɔ zang ri ɓaa nɛɛ vuu Sheetang ɓɔɔ hãa bii dɔɔli ɓɛɛ manɛ kpang ɓɛɛ. N kɔɔ nɔɔ, wu vuu ɓɔɔgn nɛɛ nɔɔ palɛ kpang.

Vuu ɓɔɔ zang nwangsɛ Yɔhana 20:3

A tasɛ wu ka too ɓɔɔ dii kagn kpang ɓɛɛ, mã nyaa nɛɛ shɔ̌ng saka tɔ̃ɔ tɔ̃ɔ, a ɓang lang, ɓɔɔ vuu kpanti kagn ɓɛɛ, ka nyaa too. Tɔ̀ɔ, wu nwãarɛ zang rɛɛ tipi ɓɔɔ ka koo kpang, saa labang gbete wu ɓarɛ. Nɛɛ ɓa tɔ, zang naa yaa wu naa ditɔ tɔkɔlɔng.

Vuu ɓɔɔ zang nwangsɛ Yɔhana 20:7

Saa labang gbete nɛɛ ɓa tɔ, zang naa yaa Sheetang naa nɛɛ sãa ɓɔɔ zang mã wu kagn ɓɛɛ.