Rooma 5:9 - Nyaa Shɔɔ Ɓɔɔ Laa a Ɓɛɛ

⁹ Ka ruu zĩi ɓiɓɛ, ruu nwáng zang tɔ̃ɔ tɔ ka tĩng Laa. Vuu ɓɔɔ naa pàlɛ́ ruu ɓa weɓe katɔ, ta ruu ditɔ nɛɛ jĩng dannang ɓɔɔ Laa naa dang zang ɓɛɛ.

Rooma 5:9 交叉參考

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Rooma 1:18

Gnvɔ Laa tusu bii tɔ nɛɛ lapa, ka yuu zang piti ɓɔɔ ri palɛ vuu shi kpang, nɛɛ zang ɓɔɔ yeti ɓarɛ shi kpang, ɓɔɔ ri kasɛ nɛɛ zang zi vuu ɓɔɔ niizang ka yuu Laa kpang, nɛɛ yeti shi kpang ɓarɛ ɓɛɛ.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

Afisa 2:13

A kãntang keɓe, ka ɓɔɔ nɔɔ shing gn tɔ nɛɛ Yeesɔ Kirisi ɓɛɛ, nɔɔ ɓɔɔ bɛ̀ɛ́ nɔɔ naabm nɛɛ Yeesɔ kpang, zang atɛ nɔɔ tɔ naabm ka ruu zĩi ɓiɓɛ.

Afisa 2:3

Niizang bɛ̀ɛ́ ɓeleng ruu nandon naa rikɔ, ruu nwáng nwannang ɓuru ka doo vuu ɓɔɔ bii shɔnzang ɓuru kasɛ ɓɛɛ. A ruu palɛ vuu piti dàa naa vuu ɓɔɔ bii ɓuru kasɛ, a rɛ̃rɛnang ɓuru ti kasɛ ɓɛɛ. A gnvɔ ti shaa Laa dɔɔli, ka ruu ɓuru nɛɛ zang piti ɓɔɔ ri palɛ rɛɛ vuu keɓe ɓɛɛ.

1 Tesalonika 1:10

A ri ti kɔ̀ɔ ruu nɛɛ nɔɔ gã Jaa ɓiɓɛ wu a nɛɛ lapa, Jaa ɓiɓɛ Yeesɔ ɓɔɔ wu wisi paa nɛɛ sàa ɓɛɛ, a naa tá yuu ɓuru ka laa ɓɔɔ Laa naa jɛ̃ɛ zang ɓɔɔ wu lasɛ yeti nɛɛ ri ka ruu vuu shi kpang ɓɔɔ ri palɛ ruu ɓɛɛ.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

Yahudi 9:22

Niizang, nyaa dannang Laa kasɛ nɛɛ zang shing vuu piti wu nwang tɔ̃ɔ nɛɛ zĩi ɓɔɔ zang ɓisi kagn ɓɛɛ. Naa zĩi nɛɛ tɛ̃ɛ kpang, Laa kɔsɔ zang vuu shi kpang zang kpang.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.